ഖത്തറിലേക്കുള്ള ടിക്കറ്റ് ഉറപ്പിച്ച് അമേരിക്കയും മെക്സിക്കോയും

ഖത്തർ ലോകകപ്പിനുള്ള യോഗ്യത ഉറപ്പിച്ച് അമേരിക്കയും മെക്സിക്കോയും. അവസാന യോഗ്യത മത്സരത്തിൽ കോസ്റ്റാറിക്കയോട് 0-2ന് തോറ്റെങ്കിലും അമേരിക്ക ലോകകപ്പ് യോഗ്യത ഉറപ്പിക്കുകയായിരുന്നു. CONCAF യോഗ്യത മത്സരത്തിൽ മൂന്നാം സ്ഥാനം ഉറപ്പിച്ചാണ് അമേരിക്ക ഖത്തർ ലോകകപ്പിന് യോഗ്യത ഉറപ്പിച്ചത്. 2018ൽ റഷ്യയിൽ നടന്ന ലോകകപ്പിന് യോഗ്യത നേടാൻ കഴിയാതിരുന്ന അമേരിക്ക ഇത്തവണ ലോകകപ്പ് കളിയ്ക്കാൻ യോഗ്യത ഉറപ്പിക്കുകയായിരുന്നു.

എൽ സാൽവഡോറിനെതിരെ ഏകപക്ഷീയമായ 2 ഗോളിന്റെ ജയം സ്വന്തമാക്കിയത് മെക്സിക്കോ ലോകകപ്പ് യോഗ്യത ഉറപ്പിച്ചത്. ഗ്രൂപ്പിൽ രണ്ടാം സ്ഥാനം ഉറപ്പിച്ചാണ് മെക്സിക്കോ ഖത്തറിലേക്ക് ടിക്കറ്റ് ഉറപ്പിച്ചത്.. അതെ സമയം നാലാം സ്ഥാനത്ത് എത്തിയ കോസ്റ്ററിക്ക ന്യൂസിലാൻഡുമായുള്ള പ്ലേ ഓഫ് മത്സരത്തിന് യോഗ്യത നേടി. ഇതിലെ വിജയികളാവും ഖത്തർ ലോകകപ്പിന് യോഗ്യത നേടുക. നേരത്തെ കാനഡ ലോകകപ്പ് യോഗ്യത ഉറപ്പിച്ചിരുന്നു.