എഫ്സി ഗോവ അർമാൻഡോ സാദികുവുമായി പിരിഞ്ഞു
ഐഎസ്എൽ 2024-25 സീസൺ അവസാനിച്ചതിന് പിന്നാലെ സ്ട്രൈക്കർ അർമാൻഡോ സാധികുവുമായി പിരിഞ്ഞതായി എഫ്സി ഗോവ ഔദ്യോഗികമായി അറിയിച്ചു. സൂപ്പർ കപ്പ് 2025 ന് മുന്നോടിയാണ് ഈ തീരുമാനം.
കഴിഞ്ഞ സീസണിൽ ലീഗ് ഷീൽഡ് നേടിയ ശേഷം മോഹൻ ബഗാൻ സൂപ്പർ ജയന്റ്സിൽ നിന്ന് എത്തിയ സാദ്കുഇ, ഗൗർസിനായി മികച്ച പ്രകടനം കാഴ്ചവെച്ചു. ആദ്യ ഏഴ് മത്സരങ്ങളിൽ എട്ട് ഗോളുകൾ നേടിയ അദ്ദേഹം വളരെ പെട്ടെന്ന് ടീമിന്റെ പ്രധാന ആക്രമണ കളിക്കാരനായി മാറി.
എന്നാൽ പിന്നീട് അദ്ദേഹത്തിന്റെ ഫോം മങ്ങി, ശേഷിക്കുന്ന 17 മത്സരങ്ങളിൽ രണ്ട് ഗോളുകൾ മാത്രമാണ് നേടിയത്.
സ്ഥിരതയില്ലാത്ത പ്രകടനങ്ങൾക്കിടയിലും, അൽബേനിയൻ മുന്നേറ്റ താരം 24 മത്സരങ്ങളിൽ നിന്ന് 10 ഗോളുകളുമായി എഫ്സി ഗോവയുടെ ടോപ് സ്കോററായി സീസൺ അവസാനിപ്പിച്ചു. രണ്ട് അസിസ്റ്റുകളും നൽകി.