മാഞ്ചസ്റ്റർ യുണൈറ്റഡിനെതിരായ തോൽവിക്ക് പിറകെ വാറിനെതിരെ സ്റ്റീവൻ ജെറാഡ്

Gerrard

ഇന്നലെ നടന്ന എഫ്എ കപ്പ് മത്സരത്തിൽ മാഞ്ചസ്റ്റർ യുണൈറ്റഡിനോട് തോൽവി ഏറ്റു വാങ്ങി ആസ്റ്റൺ വില്ല പുറത്തായിരുന്നു. തോൽവിക്ക് ശേഷം വാറിനെ കുറ്റപ്പെടുത്തി രംഗത്തെത്തിയിരിക്കുകയാണ് ആസ്റ്റൺ വില്ല മാനേജരും മുൻ ലിവർപൂൾ താരവുമായിരുന്ന സ്റ്റീവൻ ജെറാഡ്. വാർ ചെക്ക് ചെയ്യാൻ വളരെയധികം സമയം എടുക്കുന്ന്നു, അത് മൂലം ധാരാളം സമയം നഷ്ടപ്പെടുന്നു എന്നാണ് ജെറാഡ് പറയുന്നത്. എന്നാൽ തോൽവിക്ക് കാരണം വാർ ആണെന്ന് ജെറാഡ് പറഞ്ഞില്ല.

ആദ്യ പകുതിയിൽ മക്‌ടോമിനായ് നേടിയ ഗോളിനാണ് മാഞ്ചസ്റ്റർ യുണൈറ്റഡ് ആസ്റ്റൺ വില്ലയെ പരാജയപ്പെടുത്തിയത്. എന്നാൽ രണ്ടാം പകുതിയുടെ തുടക്കത്തിൽ തന്നെ 50ആം മിനിറ്റിൽ ഡാനി ഇങ്സ് ഒരു ഗോൾ മടക്കിയിരുന്നു. പക്ഷെ നാല് മിനിറ്റോളം വാർ ചെക്ക് ചെയ്ത ശേഷം ഗോൾ നിഷേധിക്കുകയായിരുന്നു. വാർ ഉള്ളപ്പോൾ അവർ ഒരു തീരുമാനം എടുക്കുമ്പോൾ അത് അംഗീകരിക്കണം. അത് മാറ്റാൻ ഒന്നും ചെയ്യാനില്ല. നിർഭാഗ്യത്തെയും റഫറിമാരെയും കുറ്റപ്പെടുത്തുക എന്നതാണ് എളുപ്പവഴി, ഞങ്ങൾ അത് ചെയ്യില്ല” ജെറാഡ് പറഞ്ഞു.

മാനേജർ ആയി ചുമതലയേറ്റെടുത്തതിന് ശേഷം ആദ്യമായാണ് ലിവർപൂൾ ലെജൻഡ് ആയ ജെറാഡ് ഒരു മത്സരത്തിൽ മാഞ്ചസ്റ്റർ യുണൈറ്റഡിനെ നേരിട്ടത്.

 

Previous articleവിക്കറ്റ് നേടി ടെസ്റ്റ് കരിയറിന് അവസാനം കുറിച്ച് റോസ് ടെയിലര്‍
Next articleപെരോസവിചിന്റെ അപ്പീൽ തള്ളി, അഞ്ചു മത്സരങ്ങളിൽ വിലക്ക് തുടരും