എഫ് എ കപ്പ് അഞ്ചാം റൗണ്ടിൽ ന്യൂകാസിൽ യുണൈറ്റഡിന് വിജയം. എവേ ഗ്രൗണ്ടിൽ ബ്ലാക്ബേൺ റോവേഴ്സിനെ നേരിട്ട ന്യൂകാസിൽ യുണൈറ്റഡ് പെനാൾട്ടി ഷൂട്ടൗട്ടിലാണ് വിജയം നേടിയത്. നിശ്ചിത സമയത്ത് 1-1 എന്നായിരുന്നു സ്കോർ. 71ആം മിനുട്ടിൽ ഗോർദന്റെ ഗോളോടെ ന്യൂകാസിൽ ലീഡ് എടുത്തു. 79ആം മിനുട്ടിൽ സാമി സ്മോദിക്സിലൂടെ ബ്ലാക്ബേൺ സമനില നേടി.
തുടർന്ന് പെനാൾട്ടി ഷൂട്ടൗട്ടിൽ എത്തിയ കളിയിൽ ന്യൂകാസിൽ ഒരു പെനാൾട്ടി നഷ്ടമാക്കിയപ്പോൾ ബ്ലാക്ബേൺ 2 കിക്കുകൾ നഷ്ടപ്പെടുത്തി. ന്യൂകാസിലിനായി ബ്രൂണോ, ഗോർദൻ, ഷാർ, ആൻഡേഴ്സൺ എന്നിവർ പെനാൾട്ടി ലക്ഷ്യത്തിൽ എത്തിച്ചു.
