വിയ്യാറിയൽ സ്ട്രൈക്കർ തിയേർണോ ബാരിയെ എവർട്ടൺ സ്വന്തമാക്കുന്നു. 32 ദശലക്ഷം യൂറോയുടെ (27 ദശലക്ഷം പൗണ്ട്) കരാർ ഉറപ്പിക്കാനാണ് അവർ ശ്രമിക്കുന്നത്. 22 വയസ്സുകാരനായ ഫ്രാൻസ് U-21 താരം 40 ദശലക്ഷം യൂറോയുടെ റിലീസ് ക്ലോസ് ഉള്ള താരമായിരുന്നെങ്കിലും, മെർസിസൈഡ് ക്ലബ്ബിന്റെ നിരന്തരമായ ചർച്ചകൾ വില കുറയ്ക്കാൻ സഹായിച്ചു.
കാർലോസ് അൽക്കാറാസിന്റെ ലോൺ നീക്കം സ്ഥിരപ്പെടുത്തിയ ശേഷം ഡേവിഡ് മോയസിന്റെ ഈ സമ്മർ സീസണിലെ രണ്ടാമത്തെ സൈനിംഗ് ആയിരിക്കും ഇത്.
കഴിഞ്ഞ സീസണിൽ ലാ ലിഗയിൽ തിയേർണോ ബാരി 11 ഗോളുകൾ നേടി മികച്ച പ്രകടനം കാഴ്ചവെക്കുകയും വിയ്യാറിയലിന്റെ ചാമ്പ്യൻസ് ലീഗ് യോഗ്യതയിൽ നിർണായക പങ്ക് വഹിക്കുകയും ചെയ്തിരുന്നു. .
