primus mobile
primus mobile

സൂപ്പർ ലീഗിനെ എതിർത്ത് 14 പ്രീമിയർ ലീഗ് ക്ലബുകൾ രംഗത്ത്

Diego Llorente Leeds United

ഇന്ന് നടന്ന പ്രീമിയർ ലീഗ് ക്ലബുകളുടെ മീറ്റിംഗിൽ 14 ക്ലബുകളും സൂപ്പർ ലീഗിനെതിരെ നിലപാട് എടുത്തു. സൂപ്പർ ലീഗിൽ പങ്കെടുക്കും എന്ന് പറഞ്ഞ ആറു ക്ലബുകൾ ഒഴികെ ബാക്കി എല്ലാ ക്ലബുകളും ഇന്ന് മീറ്റിംഗിൽ പങ്കെടുത്തു. ഈ ക്ലബുകൾ എല്ലാം സൂപ്പർ ലീഗിനെ എതിർത്തു. സൂപ്പർ ലീഗ് നടക്കാതിരിക്കാൻ ഉള്ള നടപടികൾ സ്വീകരിക്കും എന്ന് പ്രീമിയർ ലീഗും തീരുമാനം എടുത്തു.

ഇംഗ്ലീഷ് എഫ് എ ഫാൻ ഗ്രൂപ്പുകളോടും യുവേഫയോടും ഫിഫയോടും ഒരുമിച്ച് സൂപ്പർ ലീഗിന് എതിരെ നില കൊള്ളും എന്നും പ്രീമിയർ ലീഗ് അറിയിച്ചു. ആരാധകരും ഷെയർ ഹോൾഡർമാരും സൂപ്പർ ലീഗിന് എതിരെ നടപടി എടുത്തതിൽ നന്ദി അറിയിക്കുന്നതായും പ്രീമിയർ ലീഗ് പത്രകുറിപ്പിൽ അറിയിച്ചു. മാഞ്ചസ്റ്റർ യുണൈറ്റഡ്, മാഞ്ചസ്റ്റർ സിറ്റി, ലിവർപൂൾ, ചെൽസി, ആഴ്സണൽ, സ്പർസ് എന്നീ ക്ലബുകളാണ് ഇംഗ്ലീഷ് പ്രീമിയർ ലീഗിൽ നിന്ന് സൂപ്പർ ലീഗിലേക്ക് പോകുന്നത്.