വ്യാഴാഴ്ച രാത്രി നടന്ന യൂറോപ്പ ലീഗ് റൗണ്ട് 16-ന്റെ ആദ്യ പാദത്തിൽ സ്‌പോർട്ടിംഗ് സിപിയും ആഴ്സണലും 2-2ന് സമനിലയിൽ പിരിഞ്ഞു. എസ്റ്റാഡിയോ ജോസ് അൽവലാഡിലാണ് മത്സരം നടന്നത്, 2-1ന് പിറകിൽ നിന്ന ശേഷം തിരിച്ചടിച്ചാണ് ആഴ്സണൽ സ്‌കോർലൈൻ സമനിലയിലാക്കിയത്.
22-ാം മിനിറ്റിൽ വില്യം സാലിബ ആണ് ആഴ്സണലിനെ മുന്നിലെത്തിച്ചത്. ആ ലീഡ് 12 മിനിറ്റ് മാത്രമെ നീണ്ടുനിന്നുള്ളൂ. ഗോൺസാലോ ഇനാസിയോ ഹോം സൈഡിന് സമനില നൽകി. രണ്ടാം പകുതിയിലും ഇരു ടീമുകളും അറ്റാക്ക് തുടർന്നു, പൗളീഞ്ഞോ 55-ാം മിനിറ്റിൽ സ്‌പോർട്ടിംഗിന് ലീഡ് നൽകി.
62-ാം മിനിറ്റിൽ ഹാറൂട്ടോ മൊറിറ്റയുടെ ഷോട്ട് സെൽഫ് ഗോളായതോടെ ആഴ്സണൽ സമനിക തിരിച്ചുപിടിച്ചു. അടുത്ത ആഴ്ച എമിറേറ്റ്സ് സ്റ്റേഡിയത്തിൽ നടക്കുന്ന രണ്ടാം പാദത്തിൽ ആകും ആര് ക്വാർട്ടറിലേക്ക് മുന്നേറും എന്ന് തീരുമാനമാകുക.
