വ്യാഴാഴ്ച യൂറോപ്പ ലീഗിലെ തങ്ങളുടെ റൗണ്ട് ഓഫ് 16 ടൈയുടെ ആദ്യ പാദത്തിൽ റയൽ സോസിഡാഡിനെതിരെ റോമ 2-0ന്റെ വിജയം ഉറപ്പിച്ചു. സ്റ്റീഫൻ എൽ ഷരാവിയുടെയും മറാഷ് കുമ്പുള്ളയുടെയും ഗോളുകൾ ആണ് ആദ്യ പാദത്തിൽ റോമയുടെ ജയത്തിന് ബലമായത്‌.
13-ാം മിനിറ്റിൽ എൽ ഷരാവിയിലൂടെ റോമ മുന്നിലെത്തി. ഇറ്റാലിയൻ ടീം പിന്നീടങ്ങോട്ട് കളി നിയന്ത്രിച്ചു. അവരുടെ ലീഡ് വർദ്ധിപ്പിക്കാൻ നിരവധി അവസരങ്ങൾ സൃഷ്ടിച്ചു. റയൽ സോസിഡാഡും ഇടക്ക് നല്ല അവസരങ്ങൾ സൃഷ്ടിക്കുകയുണ്ടായി. 87-ാം മിനിറ്റിൽ കുമ്പുള്ള റോമയുടെ രണ്ടാം ഗോൾ നേടി. ഇതോടെ വിജയം ഉറപ്പായി.ഈ ഫലം അടുത്ത ആഴ്ച്സ് നടക്കുന്ന രണ്ടാം പാദത്തിൽ റോമയുടെ സാധ്യതകൾ ശക്തമാക്കുന്നു.
