യൂറോപ്പ ലീഗിന്റെ ക്വാർട്ടർ ഫൈനലിന്റെ ആദ്യ പാദത്തിൽ ഇറ്റാലിയൻ വമ്പൻമാരായ റോമയ്‌ക്കെതിരെ ഫെയ്‌നൂർദ് 1-0ന്റെ വിജയം ഉറപ്പിച്ചു. രണ്ടാം പകുതിയിൽ മിഡ്ഫീൽഡർ എം. വൈഫറിന്റെ സ്ട്രൈക്കിൽ ആണ് ഡച്ച് ടീം വിജയിച്ചത്. ഒരു മനോഹരമായ വോളിയിലൂടെ ആയിരുന്നു വൈഫറിന്റെ ഗോൾ. താരത്തിന്റെ കരിയറിലെ ആദ്യ യൂറോപ്യൻ ഗോളാണിത്.
റോമയുടെ ആക്രമണ ഭീഷണികളെ സമർത്തമായി തടഞ്ഞുനിർത്താൻ ഫെയനൂർഡിന് ഇന്നായി. ഡിബാലയും ടാമി അബ്രഹാമും മത്സരത്തിനിടയിൽ പരിക്കേറ്റ് പുറത്തായത് റോമക്ക് തിരിച്ചടിയായി. സെമിഫൈനലിലേക്ക് മുന്നേറാൻ ആഗ്രഹിക്കുന്നുവെങ്കിൽ റോമയ്ക്ക് രണ്ടാം പാദത്തിൽ ഈ പരാജയം മറികടക്കേണ്ടതുണ്ട്.
