യൂറോപ്പ ലീഗിൽ വിജയത്തോടെ ഗ്രൂപ്പ് ഘട്ടം അവസാനിപ്പിച്ച് എ എസ് റോമ. ഇന്ന് റോമിൽ വെച്ച് ഷെറിഫിനെ നേരിട്ട ജോസെയുടെ റോമ എതിരില്ലാത്ത 3 ഗോളുകളുടെ വിജയം നേടി. തുടക്കത്തിൽ 11ആം മിനുട്ടിൽ തന്നെ റോമ ലീഡിൽ എത്തി. സെലസ്കിയുടെ അസിസ്റ്റിൽ നിന്ന് ലുകാകു ആണ് റോമക്ക് ലീഡ് നൽകിയത്.
32ആം മിനുട്ടിൽ സെലസ്കിയുടെ രണ്ടാം അസിസ്റ്റിൽ നിന്ന് ബലേട്ടിയിലൂടെ റോമ ലീഡ് ഇരട്ടിയാക്കി. ഇത് മതിയായി അവർക്ക് വിജയം ഉറപ്പിക്കാൻ. അവസാനം നികോളോ പിസ്ലിയിലൂടെ റോമ വിജയം പൂർത്തിയാക്കി. റോമ ആറ് മത്സരങ്ങളിൽ നിന്ന് 13 പോയിന്റുമായി ഗ്രൂപ്പിൽ രണ്ടാമത് ഫിനിഷ് ചെയ്തു. സ്ലാവിയ പ്രാഹെ ആണ് ഗ്രൂപ്പ് ജിയിൽ ഒന്നാമത് ഫിനിഷ് ചെയ്തത്.
