യുഫേഫ യൂറോപ്പ ലീഗിൽ ഗ്രൂപ്പ് ബിയിൽ ഗോൾ രഹിത സമനില വഴങ്ങി മൊണാക്കോയും പി.എസ്.വിയും. ഏതാണ്ട് വിരസമായ മത്സരത്തിൽ നേരിയ ആധിപത്യം മൊണാക്കോക്ക് ആയിരുന്നു. അതേസമയം ഗ്രൂപ്പിലെ മറ്റൊരു മത്സരത്തിൽ റയൽ സോസിദാഡും സമനില വഴങ്ങി.
എസ്.കെ ഗ്രാസിനോട് 1-1 നു ആണ് സ്പാനിഷ് ക്ലബ് സമനില വഴങ്ങിയത്. ജാക്കോബിന്റെ ഗോളിൽ പിറകിൽ പോയ റയൽ സോസിദാഡിനെ കോർണറിൽ നിന്നു ലഭിച്ച പന്ത് വലയിലാക്കിയ അലക്സാണ്ടർ സോർലോത്ത് ആണ് രക്ഷിച്ചത്. നിലവിൽ ഗ്രൂപ്പ് ബിയിൽ മൊണാക്കോ 8 പോയിന്റുകളുമായി ഒന്നാമത് നിൽക്കുമ്പോൾ 6 പോയിന്റുകളുമായി സോസിദാഡ് രണ്ടാമതും 5 പോയിന്റുകളുമായി പി.എസ്.വി മൂന്നാമതും ആണ്.
