യൂറോപ്യൻ യോഗ്യതാ മത്സരത്തിൽ ക്രൊയേഷ്യയെ സമനിലയിൽ തളച്ച് വെയിൽസ്. ആവേശോജ്വലമായ മത്സരത്തിൽ ഇരു ടീമുകളും ഓരോ ഗോളടിച്ച് പിരിഞ്ഞു. 9 ആം മിനുട്ടിൽ നിക്കോള വ്ലാസിച് ക്രൊയേഷ്യക്ക് വേണ്ടി ഗോളടിച്ചപ്പോൾ ആദ്യ പകുതിയിൽ തന്നെ ഗാരെത് ബെയ്ലിലൂടെ വെയിൽസ് തിരിച്ചടിച്ചു. ഗ്രൂപ്പ് എഫ് ലീഡേഴ്സായ ക്രൊയേഷ്യയെ പരാജയപ്പെടുത്തിയിരുന്നെങ്കിൽ യൂറോപ്യൻ യോഗ്യത എന്ന കടമ്പ വെയിൽസിന്റെ അടുത്തെത്തിയെനെ.
എന്നാൽ ഗാരെത് ബെയ്ലും സംഘവും രണ്ടാം ഗോൾ അടിക്കാൻ പരാജയപ്പെട്ടതിനാൽ ഇനി ഗ്രൂപ്പിലെ മറ്റ് ടീമുകളെ ആശ്രയിച്ചാകും യോഗ്യത നേടാനാകുക. സ്ലോവക്യയെ നേരിടുന്ന ക്രൊയേഷ്യയുടെ സഹായമില്ലാതെ വെയിൽസിന് യോഗ്യത നേടാനാകില്ല. ക്രൊയേഷ്യയും യൂറോ കപ്പിനായുള്ള യോഗ്യത നേടിയിട്ടില്ല. ലൂക്ക മോഡ്രിച് പരിക്കേറ്റ് പുറത്ത് പോയത് ക്രൊയേഷ്യയേയും ബാധിച്ചു. ഹങ്കറിയും അസർബൈജാനുമാണ് വെയിൽസിന്റെ ഇനിയുള്ള എതിരാളികൾ. അതേ സമയം സ്ലോവാക്യക്ക് പുറമേ ജോർജിയയോട് ആണ് ക്രൊയേഷ്യ ഏറ്റുനുട്ടേണ്ടത്.
