ബാഴ്സലോണയുടെയും റയൽ മാഡ്രിഡിന്റെയും ഇതിഹാസങ്ങൾ ഇന്ത്യയിൽ എത്തുന്നു. 2025 ഏപ്രിൽ 6 ന് നവി മുംബൈയിലെ DY പാട്ടീൽ സ്റ്റേഡിയത്തിൽ നടക്കുന്ന എൽ ക്ലാസിക്കോ ലെജൻഡ്സ് മത്സരത്തിൽ ബാഴ്സലോണയുടെയും റയൽ മാഡ്രിഡിൻ്റെയും ഇതിഹാസങ്ങൾ ഏറ്റുമുട്ടും.
കാൾസ് പുയോൾ, ലൂയിസ് ഫിഗോ, റിക്കാർഡോ ക്വാറെസ്മ തുടങ്ങിയ ഇതിഹാസ താരങ്ങൾ എക്സിബിഷൻ മത്സരത്തിൽ പങ്കെടുക്കും. ഇതാദ്യമായാണ് ഒരു എൽ ക്ലാസിക്കോ ലെജൻഡ്സ് മത്സരം ഇന്ത്യയിൽ നടക്കുന്നത്.
ഇന്ത്യയിലുടനീളമുള്ള ദശലക്ഷക്കണക്കിന് ലാ ലിഗ ആരാധകരുള്ള ഇവൻ്റ് സ്റ്റേഡിയത്തിലും തത്സമയ സംപ്രേക്ഷണം വഴിയും വലിയ പ്രേക്ഷകരെ ആകർഷിക്കുമെന്ന് പ്രതീക്ഷിക്കുന്നു.
