ഈസ്റ്റ് ബംഗാളിന്റെ പ്ലേ ഓഫ് പ്രതീക്ഷകൾ അവസാനിച്ചു
ഇന്ത്യൻ സൂപ്പർ ലീഗിലെ ഈസ്റ്റ് ബംഗാൾ എഫ്സിയുടെ പ്ലേ ഓഫ് പ്രതീക്ഷകൾ അവസാനിച്ചു. ഇന്ന് ബെംഗളൂരു എഫ്സിയെ നേരിട്ട ഈസ്റ്റ് ബംഗാൾ 1-1ന്റെ സമനില വഴങ്ങി. സുനിൽ ഛേത്രിയുടെ (90+1’) വൈകി വന്ന പെനാൽറ്റി ആണ് ബെംഗളൂരുവിന് സമനില നൽകിയത്. മെസ്സി ബൗലിയുടെ 11ആം മിനുറ്റിലെ ഗോൾ ഈസ്റ്റ് ബംഗാളിന് നേരത്തെ ലീഡ് നൽകിയിരുന്നു.
ഈസ്റ്റ് ബംഗാൾ ഇപ്പോൾ 28 പോയിന്റുമായി എട്ടാം സ്ഥാനത്താണ് ഉള്ളത്. ഒരു മത്സരം മാത്രം ബാക്കി നിൽക്കെ, ഈസ്റ്റ് ബംഗാളിന് ഇനി ആദ്യ ആറിലേക്ക് കടക്കാൻ കഴിയില്ല, ഇത് നോർത്ത് ഈസ്റ്റ് യുണൈറ്റഡ്, ഒഡീഷ എഫ്സി, മുംബൈ സിറ്റി എഫ്സി എന്നിവയ്ക്ക് അനുകൂലമായ ഫലമാക്കി മാറ്റുന്നു. അതേസമയം, 38 പോയിൻ്റുമായി ബെംഗളൂരു എഫ്സി മൂന്നാം സ്ഥാനത്ത് നിൽക്കുകയാണ്.