ഗ്രെഗ് സ്റ്റുവർട്ടിന് ഹാട്രിക്ക്, ത്രില്ലറിന് ഒടുവിൽ മുംബൈ സിറ്റി ഡൂറണ്ട് കപ്പ് സെമിയിൽ

ഇന്ന് ഡൂറണ്ട് കപ്പിൽ കണ്ടത് ഒരു ത്രില്ലർ ആയിരുന്നു. അടിയും തിരിച്ചടിയുമായി മുന്നോട്ടു പോയ മത്സരം. എക്സ്ട്രാ ടൈം വരെ നീണ്ടു പോയ മത്സരം മൂന്നിന് എതിരെ അഞ്ചു ഗോളുകൾക്ക് വിജയച്ച് മുംബൈ സിറ്റി സെമി ഫൈനലിലേക്ക് മുന്നേറിയപ്പോൾ നിരാശരായി ചെന്നൈയിൻ നാട്ടിലേക്കും മടങ്ങി.

Img 20220911 204201

മത്സരത്തിന്റെ നാൽപ്പതാം മിനുട്ടിൽ ലഭിച്ച ഒരു പെനാൾട്ടി ലക്ഷ്യമാക്കി കൊണ്ട് ഗ്രെഗ് സ്റ്റുവർട്ട് ആണ് മുംബൈ സിറ്റിക്ക് ഇന്ന് ലീഡ് നൽകിയത്‌. ഇതിന് 59ആം മിനുട്ടിൽ സ്ലിസ്കോവിചിലൂടെ മുംബൈ സിറ്റിയിലൂടെ മറുപടി വന്നു. സ്കോർ 1-1. പിന്നെ ചാങ്തെയിലൂടെ 78ആം മിനുട്ടിൽ വീണ്ടും മുംബൈ സിറ്റി ലീഡ് എടുത്തു. ഇതിനു ചെന്നൈയിന്റെ കയ്യിൽ മറുപടി ഉണ്ടായിരുന്നു. 89ആം മിനുട്ടിൽ ജോക്സൺ ആണ് സമനില നേടിയത്. സ്കോർ 2-2

എക്സ്ട്രാ ടൈമിൽ മുംബൈ സിറ്റി ശക്തരായി. ചാങ്തെയും ഗ്രെഗ് സ്റ്റുവർട്ടും വീണ്ടും ഗോൾ നേടിയപ്പോൾ എക്സ്ട്രാ ടൈമിന്റെ ആദ്യ പകുതിയിൽ 4-2ന് മുംബൈ സിറ്റി മുന്നിൽ. 109ആം മിനുട്ടിലെ റഹീം അലിയുടെ ഗോൾ സ്കോർ 4-3 എന്നാക്കി. ചെന്നൈയിൻ സമനില ഗോളിനായി ശ്രമിക്കുന്നതിനിടയിൽ 118ആം മിനുട്ടിൽ സ്റ്റുവർട്ടിന്റെ ഹാട്രിക്ക്. ഇതോടെ വിജയവും സെമി ഫൈനലും മുംബൈ സിറ്റി ഉറപ്പിച്ചു.