ബ്രസീലിനെതിരായ കോപ്പ അമേരിക്ക ക്വാർട്ടർ ഫൈനൽ പോരാട്ടത്തിനിടെ പരിക്കേറ്റ റൊണാൾഡ് അറോഹോ അടുത്ത 6 മുതൽ 8 ആഴ്ച വരെ കളിക്കില്ല എന്ന് റിപ്പോർട്ട് ഉറുഗ്വേക്കും ബാഴ്‌സലോണക്കും വലിയ തിരിച്ചടിയാണ് ഇത്. ഈ ടൂർണമെൻ്റിലുടനീളം ഉറുഗ്വേക്ക് ആയി മികച്ച പ്രകടനം കാഴ്ചവച്ച അറോഹോ സെമിയിൽ കൊളംബിയയെ നേരിടാൻ ഉണ്ടാകില്ല എന്ന് ഉറുഗ്വേ സ്ഥിരീകരിച്ചിട്ടുണ്ട്.
സെൻട്രൽ ഡിഫൻഡർക്ക് ബാഴ്സലോണക്ക് ഒപ്പം ഉള്ള പ്രീ-സീസൺ തയ്യാറെടുപ്പുകളും വരാനിരിക്കുന്ന സീസണിൻ്റെ തുടക്കവും നഷ്ടമാകും എന്നു ലാറ്റിനമേരിക്കൻ മാധ്യമങ്ങൾ ഇപ്പോൾ റിപ്പോർട്ട് ചെയ്യുന്നു. ബാഴ്സലോണയുടെ പ്രധാന താരങ്ങളിൽ ഒരാളാണ് അറോഹോ.
