ചെൽസി പ്രതിരോധ താരം വെസ്ലി ഫോഫാന വിജയകരമായ ഹാംസ്ട്രിംഗ് ശസ്ത്രക്രിയ പൂർത്തിയാക്കിയതായി ക്ലബ് ശനിയാഴ്ച സ്ഥിരീകരിച്ചു. ദീർഘകാലം കളിക്കളത്തിൽ നിന്ന് വിട്ടുനിന്നതിന് ശേഷം 24-കാരൻ അടുത്താണ് കളിക്കളത്തിലേക്ക് തിരിച്ചെത്തിയത്, പക്ഷേ വീണ്ടും പരിക്ക് പ്രശ്നമായി
“വെസ്ലിയുടെ പേശികൾക്ക് പരിക്കേറ്റതിനെത്തുടർന്ന് ഈ ആഴ്ച സ്പെഷ്യലിസ്റ്റുകൾ അദ്ദേഹത്തെ വിലയിരുത്തി. ആ വിലയിരുത്തലിനെത്തുടർന്ന്, ഒരു ശസ്ത്രക്രിയ ആവശ്യമാണെന്ന് നിഗമനത്തിലെത്തി.”
ക്ലബ് ഔദ്യോഗിക പ്രസ്താവനയിൽ പറഞ്ഞു.
എൻസോ മറെസ്കയുടെ കീഴിൽ ഈ സീസണിൽ വെറും 14 പ്രീമിയർ ലീഗ് മത്സരങ്ങളിൽ മാത്രം കളിച്ചിട്ടുള്ള ഫോഫാന, ഇനി ഈ സീസണിൽ കളിക്കില്ല.
ആദ്യ നാല് സ്ഥാനങ്ങൾ നേടാനുള്ള ശ്രമം ചെൽസി തുടരുന്നതിനിടെ, പരിക്ക് താരത്തിനും ക്ലബ്ബിനും ഒരുപോലെ തിരിച്ചടിയാണ്. എട്ട് മത്സരങ്ങൾ ബാക്കി നിൽക്കെ അവർ നിലവിൽ ലീഗ് പോയിന്റ് പട്ടികയിൽ നാലാം സ്ഥാനത്താണ്.
