പ്രീമിയർ ലീഗിന്റെ അവസാന റൗണ്ട് മത്സരങ്ങൾ അവസാനിച്ചപ്പോൾ യുവേഫ ചാമ്പ്യൻസ് ലീഗ് യോഗ്യത തീരുമാനമായി. നോട്ടിംഗ്ഹാം ഫോറസ്റ്റിനെ 1-0 ന് തോൽപ്പിച്ച് ചെൽസി ചാമ്പ്യൻസ് ലീഗ് ഉറപ്പിച്ചു. 50-ാം മിനിറ്റിൽ ലെവി കോൾവില്ലാണ് ചെൽസിക്കായി ഗോൾ നേടിയത്.
മാഞ്ചസ്റ്റർ സിറ്റി ഫുൾഹാമിനെ 2-0 ന് തോൽപ്പിച്ചു, ഇൽകായ് ഗുണ്ടോഗന്റെ ഗോളുകളും എർലിംഗ് ഹാളണ്ടിന്റെ പെനാൽറ്റിയും സിറ്റിക്ക് വിജയമൊരുക്കി. സ്വന്തം തട്ടകത്തിൽ എവർട്ടോണിനോട് 0-1 ന് തോറ്റെങ്കിലും, ന്യൂകാസിലിന് ആദ്യ അഞ്ച് സ്ഥാനങ്ങളിൽ ഫിനിഷ് ചെയ്യാൻ ആയി.
ആസ്റ്റൺ വില്ല മാഞ്ചസ്റ്റർ യുണൈറ്റഡിനോട് 2-0 ന് തോറ്റതാണ് ന്യൂകാസിലിന്റെ ആദ്യ അഞ്ചിലെ സ്ഥാനം ഉറപ്പിച്ചത്. ലിവർപൂളും ആർസനലും നേരത്തെ തന്നെ തങ്ങളുടെ സ്ഥാനങ്ങൾ ഉറപ്പിച്ചിരുന്നു, അവർ യഥാക്രമം ഒന്നും രണ്ടും സ്ഥാനങ്ങളിൽ ഫിനിഷ് ചെയ്തു.
2024-25 പ്രീമിയർ ലീഗിലെ അവസാന അഞ്ച് സ്ഥാനക്കാർ:
ലിവർപൂൾ – 84 പോയിന്റ്
ആഴ്സണൽ – 74 പോയിന്റ്
മാൻ സിറ്റി – 71 പോയിന്റ്
ചെൽസി – 69 പോയിന്റ്
ന്യൂകാസിൽ – 66 പോയിന്റ്
ഈ അഞ്ച് ടീമുകളാണ് അടുത്ത സീസണിലെ യുവേഫ ചാമ്പ്യൻസ് ലീഗ് ഗ്രൂപ്പ് ഘട്ടത്തിൽ ഇംഗ്ലണ്ടിനെ പ്രതിനിധീകരിക്കുക.
