കഴിഞ്ഞ ദിവസം ഫ്രഞ്ച് കപ്പ് ഫൈനലിന് ഇടയിൽ എമ്പപ്പെയ്ക്ക് ഏറ്റ പരിക്ക് അത്ര ഗുരുതരമായത് അല്ല എന്ന് പി എസ് ജി അറിയിച്ചു. പരിക്കിന്റെ ദൃശ്യങ്ങൾ വലിയ ആശങ്ക നൽകിയിരുന്നു എങ്കിലും വലിയ ഭയം വേണ്ട എന്നാണ് ക്ലബ് പറയുന്നത്. എങ്കിലും താരത്തിന് പ്രധാന മത്സരങ്ങൾ നഷ്ടമാകും. ലീഗ് കപ്പ് ഫൈനലും ഒപ്പം അറ്റലാന്റയ്ക്ക് എതിരായ ക്വാർട്ടർ മത്സരവും ആകും എമ്പപ്പെയ്ക്ക് നഷ്ടമാവുക.
31ആം തിയതി ലിയോണിനെ ആണ് പി എസ് ജി ലീഗ് കപ്പ് ഫൈനലിൽ നേരിടുന്നത്. ഇതിനകം തന്നെ സീസണിൽ രണ്ട് കിരീടം നേടിയ പി എസ് ജി ഫ്രാൻസിലെ മൂന്നാം കിരീടമാകും ലക്ഷ്യമിടുന്നത്. ക്വാർട്ടറിൽ കളിക്കാൻ ആകില്ല എങ്കിലും എമ്പപ്പെ പി എസ ജിക്ക് ഒപ്പം പോർച്ചുഗലിലേക്ക് യാത്ര തിരിക്കും. സെമി ഫൈനലിൽ എത്തുക ആണെങ്കിൽ എമ്പപ്പക്ക് കളിക്കാൻ ആയേക്കും എന്നാണ് ക്ലബ് കരുതുന്നത്.
