പി.എസ്.ജി സൂപ്പർ താരം എമ്പപ്പെ ഉടൻ തന്നെ ഏറ്റവും മികച്ച താരത്തിനുള്ള ബലോൺ ഡി ഓർ പുരസ്കാരം നേടുമെന്ന് ബയേൺ മ്യൂണിച് പരിശീലകൻ ഹാൻസി ഫ്ലിക്. ചാമ്പ്യൻസ് ലീഗ് ക്വാർട്ടർ ഫൈനലിന്റെ രണ്ടാം പാദത്തിൽ ബയേൺ മ്യൂണിച് പി.എസ്.ജിയെ നേരിടാനിരിക്കെയാണ് ബയേൺ മ്യൂണിക് പരിശീലകന്റെ പ്രതികരണം.
നിലവിൽ ബലോൺ ഡി ഓർ പുരസ്കാരം നേടാനുള്ള എല്ലാ കഴിവുകളും താരത്തിന് ഉണ്ടെന്നും ഫ്ലിക് പറഞ്ഞു. എമ്പപ്പെക്ക് മികച്ച ടെക്നിക്കും വേഗതയും ഉണ്ടെന്നും കൂടാതെ താരം താരം ഒരുപാട് ഗോളുകൾ നേടുന്നുണ്ടെന്നും ഫ്ലിക് പറഞ്ഞു. നേരത്തെ ചാമ്പ്യൻസ് ലീഗിലെ ആദ്യ പാദ ക്വാർട്ടറിൽ എമ്പപ്പെ നേടിയ ഇരട്ട ഗോളുകളുടെ പിൻബലത്തിൽ പി.എസ്.ജി 3-2ന് ബയേൺ മ്യൂണിച്ചിനെ പരാജയപ്പെടുത്തിയിരുന്നു.
