ലിവർപൂൾ ഇന്ന് മിലാനിൽ!! ഫുട്ബോൾ പ്രേമികൾക്ക് മറ്റൊരു വിരുന്ന്

ഇന്ന് ചാമ്പ്യൻസ് ലീഗിൽ ഒരും ഗംഭീര മത്സരം ആണ് നടക്കുന്നത്. സാൻ സിറോയിൽ നടക്കുന്ന മത്സരത്തിൽ ഇറ്റാലിയൻ ചാമ്പ്യന്മാരായ ഇന്റർ മിലാൻ ആറ് തവണ യൂറോപ്യൻ ചാമ്പ്യൻമാരായ ലിവർപൂളുമായി ഏറ്റുമുട്ടും. ഇന്ന് ആദ്യ പാദ പ്രീക്വാർട്ടർ ആണ് മിലാനിൽ നടക്കുന്നത്. ഗ്രൂപ്പ് ഘട്ടത്തിൽ 100% റെക്കോഡോടെ ആണ് ലിവർപൂൾ പ്രീക്വാർട്ടറിലേക്ക് എത്തിയത്. അതേസമയം ഇന്റർ മിലാൻ ഗ്രൂപ്പ് ഘട്ടത്തിൽ റയൽ മാഡ്രിഡിന് പിന്നിൽ രണ്ടാം സ്ഥാനവുമായാണ് നോക്കൗട്ട് റൗണ്ടിലേക്ക് എത്തിയത്.

തങ്ങളുടെ അവസാന രണ്ട് സീരി എ മത്സരങ്ങളിൽ വിജയിക്കാനാകാതെയാണ് ഇന്റർ മിലാൻ ചാമ്പ്യൻസ് ലീഗിലേക്ക് എത്തുന്നത്. മിലാം ഡാർബിയിൽ എസി മിലാനോട് 2-1 ന് തോൽക്കുകയും പിന്നാലെ നാപോളിയോട് 1-1 സമനില വഴങ്ങുകയും ചെയ്ത ഇന്ററിന് ഇന്ന് വിജയിക്കുക എളുപ്പവുമാകില്ല.

മറുവശത്ത് ലിവർപൂൾ തുടർച്ചയായ ആറ് വിജയങ്ങളുമായാണ് മിലാനിലേക്ക് വിമാനം കയറുന്നത്. സലായും മാനെയും ഒക്കെ തിരിച്ച് എത്തിയതും പുതിയ സൈനിംഗ് ലൂയിസിന്റെ പ്രകടനങ്ങളും ലിവർപൂളിനെ കൂടുതൽ ശക്തമാക്കുന്നുണ്ട്. ഇന്ന് രാത്രി 1.30നാണ് മത്സരം നടക്കുന്നത്. കളി സോണി നെറ്റ്വർക്കിൽ തത്സമയം കാണാം.