പി.എസ്.ജിക്കെതിരായ രണ്ടാം പാദത്തിലും ലെവൻഡോസ്‌കി കളിക്കില്ല

- Advertisement -

പി.എസ്.ജിക്കെതിരായ ചാമ്പ്യൻസ് ലീഗ് ക്വാർട്ടർ ഫൈനലിന്റെ രണ്ടാം പാദത്തിൽ ബയേൺ മ്യൂണിക് സൂപ്പർ താരം റോബർട്ട് ലെവൻഡോസ്‌കി കളിക്കില്ല. താരം തന്നെയാണ് രണ്ടാം പാദത്തിന്റെ സമയത്ത് താൻ പരിക്ക് മാറി തിരിച്ചെത്തില്ലെന്ന് പറഞ്ഞത്. ആദ്യ പാദത്തിൽ സ്വന്തം ഗ്രൗണ്ടിൽ പി.എസ്.ജിയോട് തോറ്റ ബയേൺ മ്യൂണിക്കിന് ലെവൻഡോസ്‌കിയുടെ അഭാവം വമ്പൻ തിരിച്ചടിയാണ്.

ഇന്നലെ നടന്ന ആദ്യ പാദത്തിലും ലെവൻഡോസ്‌കി ബയേൺ മ്യൂണിക്കിന് വേണ്ടി കളിച്ചിരുന്നില്ല. മത്സരത്തിൽ നിരവധി അവസരങ്ങൾ സൃഷ്ട്ടിച്ച ബയേൺ മ്യൂണിക്കിന് ലെവൻഡോസ്‌കിയുടെ അഭാവത്തിൽ കൂടുതൽ ഗോളുകൾ കണ്ടെത്താൻ കഴിഞ്ഞിരുന്നില്ല. ഇന്നലെ നടന്ന ആദ്യ പാദത്തിൽ എമ്പപ്പെയുടെ മാസ്റ്റർ ക്ലാസ് പ്രകടനത്തിന്റെ പിൻബലത്തിൽ 3-2ന് പി.എസ്.ജി ബയേൺ മ്യൂണിക്കിനെ തോൽപ്പിച്ചിരുന്നു. ഇന്റർനാഷണൽ മത്സരങ്ങൾക്കായി പോളണ്ടിന് വേണ്ടി കളിക്കുന്ന സമയത്താണ് ലെവൻഡോസ്‌കിക്ക് പരിക്കേറ്റത്.

Advertisement