മെസ്സിയും റൊണാൾഡോയും മാത്രമുള്ള റെക്കോർഡ് ബുക്കിൽ ഇനി ലെവൻഡോസ്‌കിയും

na

Download the Fanport app now!
Appstore Badge
Google Play Badge 1

ചാമ്പ്യൻസ് ലീഗ് ചരിത്രത്തിൽ ലയണൽ മെസ്സിയും, ക്രിസ്റ്റിയാനോ റൊണാൾഡോയും മാത്രം സ്വന്തമാക്കിയ അപൂർവ്വ റെക്കോർഡ് സ്വന്തമാക്കി ബയേണിന്റെ സ്റ്റാർ സ്‌ട്രൈക്കർ റോബർട്ട് ലെവൻഡോസ്‌കി. തുടർച്ചയായ 8 ചാമ്പ്യൻസ് ലീഗ് ഗ്രൂപ്പ് മത്സരങ്ങളിൽ ഗോൾ നേടുന്ന കളിക്കാരൻ എന്ന റെക്കോർഡാണ് താരം സ്വന്തമാക്കിയത്. മുൻപ് മെസ്സി, റൊണാൾഡോ എന്നിവർ മാത്രമാണ് ഈ നേട്ടം കൈവരിച്ചിട്ടുള്ളത്.

ഒളിമ്പിയാക്കോസിന് ഇതിനായുള്ള ബയേണിന്റെ എതിരില്ലാത്ത 2 ഗോൾ ജയത്തിൽ നേടിയ ആദ്യ ഗോളാണ് താരത്തിന് റെക്കോർഡ് സമ്മാനിച്ചത്. 2014 ലാണ് പോളിഷ് സ്‌ട്രൈക്കർ ബയേണിൽ എത്തിയത്. ഈ സീസണിൽ ഇതുവരെ ക്ലബ്ബിനായി 21 ഗോളുകളാണ് താരം നേടിയിട്ടുള്ളത്. കേവലം 17 കളികളിൽ നിന്നാണ് താരം ഇത്രയും ഗോളുകൾ നേടിയത്.