primus mobile
primus mobile

ബയേണ് എല്ലാം നിസ്സാരം, ഇറ്റലിയിൽ ചെന്ന് ഇന്റർ മിലാനെ തോൽപ്പിച്ചു

20220908 020904

ഇന്റർ മിലാന് സാൻസിരോയിൽ ഒരു പരാജയം കൂടെ. ഇന്ന് ചാമ്പ്യൻസ് ലീഗിലെ മരണ ഗ്രൂപ്പ് എന്ന് പറയപ്പെടുന്ന ഗ്രൂപ്പ് സിയിലെ ആദ്യ മത്സരത്തിൽ ബയേൺ മ്യൂണിച്ചിനെ നേരിട്ട ഇന്റർ മിലാൻ എതിരില്ലാത്ത രണ്ടു ഗോളുകൾക്ക് പരാജയപ്പെട്ടു. സ്വന്തം കാണികൾക്ക് മുന്നിൽ ആണ് ഇന്റർ മിലാന്റെ ഈ പരാജയം. മൂന്ന് ദിവസം മുമ്പ് അവർ മിലാൻ ഡാർബിയിലും പരാജയപ്പെട്ടിരുന്നു.

20220908 020912

ഇന്ന് സാൻസിരോയിൽ ആയിരുന്നു കളി എങ്കിലും തുടക്കം മുതൽ കളി നിയന്ത്രിച്ചത് ബയേൺ ആയിരുന്നു. അവർ നിരവധി അവസരങ്ങൾ സൃഷ്ടിച്ചു. 25ആം മിനുട്ടിൽ അവർ അർഹിച്ച ആദ്യ ഗോൾ വന്നു‌. കിമ്മിചിന്റെ ഒരു ലോങ് പാസ് മനോഹരമായ ഫസ്റ്റ് ടച്ചിലൂടെ വരുതിയിലാക്കിയ സാനെ ഗോൾ കീപ്പർ ഒനാനയെ വീഴ്ത്തി കൊണ്ട് വലയിലേക്ക് തൊടുത്തു. സ്കോർ 1-0.

ആദ്യ പകുതിയിൽ തന്നെ ലീഡ് ഉയർത്താൻ ബയേണ് അവസരം ഉണ്ടായിരുന്നു എങ്കിലും അവരുടെ ഗോൾ ശ്രമങ്ങൾ എല്ലാം ലക്ഷ്യത്തിൽ നിന്ന് അകന്നു‌. രണ്ടാം പകുതിയിൽ ഒരു സെൽഫ് ഗോളാണ് ബയേണിന്റെ ലീഡ് ഉയർത്തിയത്‌. ഡിഅംബ്രോസിയോയുടെ വക ആയിരുന്ന ഈ സെൽഫ് ഗോൾ. ഈ ഗോളോടെ ബയേൺ മൂന്ന് പോയിന്റും ജയവും ഉറപ്പിച്ചു.