യുവതാരങ്ങളുടെ മികവിൽ സെവിയ്യയെ തോൽപ്പിച്ച് മാഞ്ചസ്റ്റർ സിറ്റി

യുവേഫ ചാമ്പ്യൻസ് ലീഗിലെ അവസാന ഗ്രൂപ്പ് മത്സരത്തിൽ മാഞ്ചസ്റ്റർ സിറ്റിക്ക് വിജയം. ഇന്നലെ സെവിയ്യയെ ഇത്തിഹാദ് സ്റ്റേഡിയത്തിൽ വെച്ച് നേരിട്ട മാഞ്ചസ്റ്റർ സിറ്റി ഒന്നിനെതിരെ മൂന്ന് ഗോളുകളുടെ വിജയമാണ് നേടിയത്. ഒരു ഗോളിന് പിറകിൽ പോയ ശേഷം രണ്ടാം പകുതിയിൽ തിരിച്ചടിച്ചാൽ സിറ്റി വിജയിച്ചത്. ഹാളണ്ട് ഇല്ലാതെ ആയിരുന്നു സിറ്റി ഇറങ്ങിയത്..

20221103 073655

മത്സരത്തിന്റെ 31ആം മിനുട്ടിൽ ഒരു ഹെഡറിലൂടെ റാഫേൽ മിർ സെവിയ്യക്ക് ലീഡ് നൽകി. ആദ്യ പകുതിയിൽ സെവിയ്യ ഈ ലീഡ് തുടർന്നു. രണ്ടാം പകുതിയിൽ 52ആം മിനുട്ടിൽ ജൂലിയൻ ആല്വരസിന്റെ അസിസ്റ്റിൽ നിന്ന് 18കാരൻ റികോ ലൂയിസ് ആണ് സിറ്റിക്ക് സമനില നൽകിയത്.

73ആം മിനുട്ടിൽ ഡി ബ്രുയിനെയുടെ പാസ് സ്വീകരിച്ച് കൊണ്ട് ജൂലിയൻ ആൽവാരസ് സിറ്റിക്ക് ലീഡും നൽകി. അതു കഴിഞ്ഞ് 83ആം മ്ക്നുട്ടിൽ മഹറസും കൂടെ സ്കോർ ചെയ്തതോടെ സിറ്റി ജയം പൂർത്തിയായി. ഈ ഗോളുകൾ ആല്വാരസ് ആണ് ഒരുക്കിയത്.

മാഞ്ചസ്റ്റർ സിറ്റി20221103 073658

സിറ്റി ഗ്രൂപ്പ് ഘട്ടം 14 പോയിന്റുമായി ഒന്നാമത് അവസാനിപ്പിച്ചു. സെവിയ്യ 5 പോയിന്റുമായി മൂന്നാമതും നിന്നു.