കവാനി സീസൺ അവസാനം മാഞ്ചസ്റ്റർ യുണൈറ്റഡ് വിടും

Cavani

ഉറുഗ്വേ സ്ട്രൈക്കർ എഡിസൻ കവാനി ഈ സീസൺ അവസാനം ക്ലബ് വിടും. താരത്തിന്റെ കരാർ ജൂലൈയിൽ അവസാനിക്കും. അതോടെ താരം യുണൈറ്റഡ് വിടും. നേരത്തെ ജനുവരിയിൽ തന്നെ താരം ക്ലബ് വിടാൻ ശ്രമിച്ചിരുന്നു. പക്ഷെ പരിശീലകൻ റാഗ്നിക്ക് താരത്തെ നിലനിർത്താൻ തീരുമാനിക്കുക ആയിരുന്നു. മാഞ്ചസ്റ്റർ യുണൈറ്റഡിൽ ഈ സീസണിൽ അധികം തിളങ്ങാൻ കവാനിക്ക് ആയില്ല. നിരന്തരം പരിക്കും കവാനിയെ ബുദ്ധിമുട്ടിക്കുന്നുണ്ട്.

കവാനി ലാലിഗയിലേക്ക് പോകും എന്നാണ് സാധ്യത. ഒലെ ഗണ്ണാർ സോൾഷ്യർ ടീമിൽ എത്തിച്ച കവാനി ആദ്യ സീസണിൽ മാഞ്ചസ്റ്റർ യുണൈറ്റഡിനായി ഗംഭീര പ്രകടനം കാഴ്ചവെച്ചിരുന്നു. എന്നാൽ ഈ സീസണിൽ കവാനിയെ തുടക്കം മുതൽ പരിക്ക് ഉലച്ചു. ടീമിന്റെ പൊതുവായ ഫോമും കവാനിക്ക് പ്രശ്നമായി. ജനുവരിയിൽ ബാഴ്സലോണ കവാനിയെ സ്വന്തമാക്കാൻ ശ്രമിച്ചിരുന്നു.