ആഴ്സണലിനെ തകർത്ത് ടോട്ടെൻഹാം ലീഗ് കപ്പ് സെമിയിൽ

Jyotish

Download the Fanport app now!
Appstore Badge
Google Play Badge 1

കറബാവോ കപ്പിൽ സ്പർസിന് വമ്പൻ ജയം. എമിറേറ്റ്സിൽ എതിരില്ലാത്ത രണ്ട് ഗോളുകൾക്ക് ആഴ്സണലിനെ ടോട്ടെൻഹാം ഹോട്ട്സ്പർസ് പരാജയപ്പെടുത്തി. ഡെല്ലെ അലിയും സണുമാണ് സ്പർസിന് വേണ്ടി ഗോളടിച്ചത്.

തുടർച്ചയായ 22 മത്സരങ്ങൾ ജയിച്ച് വന്ന ആഴ്സണലിന്റെ തുടർച്ചയായ രണ്ടാം പരാജയമാണിത്. ഈ വിജയത്തോടുകൂടി ലീഗ് കപ്പിന്റെ സെമിയിൽ കടന്നു സ്പർസ്. 2014-15 സീസണിന് ശേഷം ആദ്യമായാണ് ടോട്ടെൻഹാം ലീഗ് കപ്പ് സെമിയിൽ കടക്കുന്നത്. നോർത്ത് ലണ്ട‌ൻ ഡെർബിയിലേറ്റ 4-2 പരാജയത്തിന് പൊചെറ്റിനോയുടേയും സംഘത്തിന്റെയും മധുരകരമായ പ്രതികാരമാണിത്.

ഇരുപതാം മിനുറ്റിൽ സണിലൂടെ ആദ്യ ഗോൾ സ്പര നേടി. ഹാരി കെയിന് ഇറങ്ങി മിനുറ്റുകൾക്കുള്ളിൽ ഡെല്ലെ അലിയുടെ ഗോളിന് വഴിയൊരുക്കി. മെസ്യൂട്ട് ഓസിലിനെ പുറത്തിരുത്തിയെ ആഴ്സണൽ പരിശീലകൻ ഉനായ് എമ്രെയുടെ തീരുമാനം ഏറെ വിമർശനങ്ങളാണ് ആരാധകരിൽ നിന്നും ഉയർന്നത്.