ബയേൺ മ്യൂണിക് വിങ്ങർ ഫ്രാങ്ക് റിബറിക്ക് പരിക്ക്. ഖത്തറിലെ ദോഹയിൽ പരിശീലന മത്സരത്തിനിടെയാണ് താരത്തിന്റെ തുടക്ക് പരിക്കേറ്റത്. നേരത്തെ പരിക്ക് മൂലം റോബനെ നഷ്ട്ടമായ ബയേൺ മ്യൂണിക്കിന് റിബറിയുടെ പരിക്ക് കനത്ത തിരിച്ചടിയാണ്. റോബനെ കൂടാതെ ടോലിസോയും പരിക്കിന്റെ പിടിയിലാണ്.
ഡോർട്മുണ്ടിന് പിറകിൽ രണ്ടാം സ്ഥാനത്തുള്ള ബയേൺ മ്യൂണിക്കിന് താരങ്ങളുടെ പരിക്ക് കടുത്ത വെല്ലുവിളി സൃഷ്ട്ടിക്കും. ജനുവരി 18ന് ഹോഫൻഹെമിനെതിരെയാണ് ബയേൺ മ്യൂണിക്കിന്റെ അടുത്ത മത്സരം. റിബറി രണ്ടു ആഴ്ചയോളം പുറത്തിരിക്കേണ്ടി വരുമെന്നാണ് കരുതപ്പെടുന്നത് എങ്കിലും താരം എത്ര കാലം പുറത്തിരിക്കുമെന്ന് ബയേൺ മ്യൂണിക് വ്യക്തമാക്കിയിട്ടില്ല.
