മാർക്കോ റോസിനെ പുറത്താക്കിയ ഡോർട്മുണ്ട് പുതിയ പരിശീലകനായി എഡിൻ ടെർസിചിനെ എത്തിക്കും. കഴിഞ്ഞ സീസണിൽ ഡോർട്മുണ്ടിന്റെ താൽക്കാലിക പരിശീലകനായി ചുമതല വഹിച്ചപ്പോൾ ടെർസിക് ക്ലബിനെ നല്ല ഫുട്ബോൾ കളിപ്പിക്കുകയും ചാമ്പ്യൻസ് ലീഗ് യോഗ്യതയും ഡി എഫ് ബി പൊകാൽ കിരീടവും നേടിക്കൊടുത്തിരുന്നു.
ഞെട്ടിക്കുന്ന തീരുമാനത്തിന് ശേഷം എഡിൻ ടെർസിച് പുതിയ ബൊറൂസിയ ഡോർട്ട്മുണ്ടിന്റെ മുഖ്യ പരിശീലകനാകാൻ ഒരുങ്ങുന്നു. ടെർസിച് മുൻ ഡോർട്മുണ്ട് കോച് ഫവ്രെയുടെ സഹ പരിശീലകൻ ആയിരുന്നു. 39കാരനായ ടെർസിചിനു കീഴിൽ മെച്ചപ്പെട്ട ഫുട്ബോൾ കളിക്കാൻ ആകുമെന്ന പ്രതീക്ഷയാണ് ഡോർട്മുണ്ട് ആരാധകർക്കും ഉള്ളത്.
