ജർമ്മൻ ബുണ്ടസ് ലീഗയിൽ നിലവിലെ ജേതാക്കൾ ആയ ബയേർ ലെവർകുസനും റെക്കോർഡ് ജേതാക്കൾ ആയ ബയേൺ മ്യൂണിക്കും തമ്മിലുള്ള സൂപ്പർ പോരാട്ടം 1-1 ന്റെ സമനിലയിൽ അവസാനിച്ചു. സ്വന്തം മൈതാനത്ത് ഇറങ്ങിയ ബയേണിന് ലെവർകുസനു എതിരെ ആധിപത്യം കാണിക്കാൻ ആയെങ്കിലും ജയിക്കാൻ ആയില്ല. മത്സരത്തിൽ ലെവർകുസൻ ആണ് ആദ്യം മുന്നിൽ എത്തിയത്.
31 മത്തെ മിനിറ്റിൽ ശാക്കയുടെ പാസിൽ നിന്നു റോബർട്ട് ആന്ദ്രിച് നേടിയ അതുഗ്രൻ ലോങ് റേഞ്ച് ഗോളിൽ ആണ് ലെവർകുസൻ മുന്നിൽ എത്തിയത്. എന്നാൽ 39 8 മിനിറ്റിനുള്ളിൽ അലക്സാണ്ടർ പവ്ലോവിചിന്റെ 25 വാര അകലെയുള്ള അതിമനോഹരമായ വോളിയിലൂടെ ബയേൺ മ്യൂണിക് സമനില പിടിച്ചു. രണ്ടാം പകുതിയിൽ വലിയ ആധിപത്യവും 11 ഷോട്ടുകളും ഉതിർത്തിട്ടും ബയേണിന് പക്ഷെ വിജയം കാണാൻ ആയില്ല. നിലവിൽ ലീഗിൽ ബയേൺ ഒന്നാമതും ലെവർകുസൻ മൂന്നാമതും ആണ്.
