പ്രീമിയർ ലീഗ് ക്ലബ്ബായ ബ്രെൻ്റ്ഫോർഡ്, ഫിയെനൂർഡിന്റെ യുവ ഡച്ച് മിഡ്ഫീൽഡർ അന്റോണി മിലാംബോയെ സ്വന്തമാക്കി. അഞ്ച് വർഷത്തേക്കാണ് കരാർ. ഒരു വർഷം കൂടി നീട്ടാനുള്ള ഓപ്ഷനുമുണ്ട്.
20 വയസ്സുകാരനായ മിലാംബോ, എറെഡിവിസിയിലെ തകർപ്പൻ പ്രകടനത്തോടെ മുൻനിര ക്ലബ്ബുകളുടെ ശ്രദ്ധ ആകർഷിച്ചിരുന്നു.
16-ആം വയസ്സിൽ സീനിയർ ടീമിൽ അരങ്ങേറ്റം കുറിച്ച മിലാംബോ, ഫിയെനൂർഡിന്റെ ചരിത്രത്തിലെ ഏറ്റവും പ്രായം കുറഞ്ഞ കളിക്കാരനാണ്. ക്ലബ്ബിനായി 60 മത്സരങ്ങളിൽ നിന്ന് എട്ട് ഗോളുകൾ നേടിയ ശേഷമാണ് താരം ഡച്ച് ഭീമന്മാരെ വിടുന്നത്.
മിലാംബോയുടെ വരവ് 2025-26 സീസണിന് മുന്നോടിയായി ബ്രെൻ്റ്ഫോർഡിന്റെ മധ്യനിരയ്ക്ക് കൂടുതൽ കരുത്ത് നൽകും. ഓഗസ്റ്റ് 17-ന് നോട്ടിംഗ്ഹാം ഫോറസ്റ്റിനെതിരെയാണ് ബ്രെൻ്റ്ഫോർഡിന്റെ സീസണിലെ ആദ്യ മത്സരം.
