സ്പ്രിന്റിംഗ് ഇതിഹാസം ഉസൈൻ ബോൾട്ടിന് ഓസ്‌ട്രേലിയൻ ക്ലബ്ബ് സെൻട്രൽ കോസ്റ്റ് മറൈനേയ്‌സ് പ്രൊഫഷണൽ ഫുട്‌ബോൾ കരാർ വാഗ്ദാനം ചെയ്തു. ബോൾട്ടിന്റെ പ്രതിനിധികളാണ് കരാർ വാഗ്ദാനം ലഭിച്ചതായി സ്ഥിതീകരിച്ചത്. ബോൾട്ടിന്റെ മറുപടി എത്തിയിട്ടില്ല.
നേരത്തെ ഇതേ ക്ലബ്ബിൽ ട്രയലിൽ കളിച്ച ബോൾട്ട് 2 ഗോളുകൾ നേടിയിരുന്നു. എട്ട് തവണ ഒളിമ്പിക് മെഡൽ നേടിയ താരം നേരത്തെ മാൾട്ട ക്ലബ്ബായ വലേട്ട ഓഫർ ചെയ്ത കരാർ നിരസിച്ചിരുന്നു. ഓസ്‌ട്രേലിയൻ ക്ലബ്ബിന്റെ തീരുമാനം അറിഞ്ഞ ബോൾട്ട് വൈകാതെ കരാർ സ്വീകരിച്ചേക്കും എന്നാണ് റിപ്പോർട്ടുകൾ.
