Category: Asia

ഏഷ്യാ കപ്പിൽ പങ്കെടുക്കാനായി ഇന്ത്യൻ ടീം അബൂദാബിയിലെത്തി. ഇന്നാണ് ടീം യു എ ഇയിൽ പറന്നിറങ്ങിയത്. ഏഷ്യാ കപ്പിൽ പങ്കെടുക്കുന്നതിനായി യു എ യിലേക്ക് എത്തുന്ന ആദ്യ ടീം ഇന്ത്യയാണ്. മറ്റു ടീമുകൾ അടുത്ത ആഴ്ച മുതലെ എത്തി തുടങ്ങുകയുള്ളൂ. 28 അംഗ ടീമും ആയാണ് ഇന്ത്യ അബൂദാബിയിൽ ഇറങ്ങിയത്. രണ്ട് സൗഹൃദ മത്സരങ്ങൾ കളിച്ച ശേഷം അവസാന 23 അംഗ ടീമിനെ ഇന്ത്യ പ്രഖ്യാപിക്കും.

ഒഎഉ പ്രാദേശിക ക്ലബുമായും പിന്നെ ഒമാനുമായും ആണ് ഇന്ത്യയുടെ ഏഷ്യാ കപ്പിനായുള്ള സന്നാഹ മത്സരങ്ങൾ. അടുത്ത മാസം തുടങ്ങുന്ന ഏഷ്യാ കപ്പിൽ ശക്തമായ ഗ്രൂപ്പിലാണ് ഇന്ത്യ ഉള്ളത്. ആതിഥേയരായ യു എ ഇ, തായ്‌ലാന്റ്, ബഹ്റൈൻ എന്നിവരാണ് ഇന്ത്യക്ക് ഒപ്പം ഗ്രൂപ്പിൽ ഉള്ളത്. 2011ന് ശേഷം ആദ്യമായാണ് ഇന്ത്യ ഏഷ്യാ കപ്പിൽ കളിക്കുന്നത്.

ഏഷ്യ കപ്പിന് മുന്നോടിയായി ഇന്ത്യൻ ഫുട്ബോൾ ടീം പുതിയ ജേഴ്സി പ്രകാശനം ചെയ്തു. ദീർഘകകാലമായി ഇന്ത്യൻ ഫുട്ബോളിന്റെ ജേഴ്സി ഒരുക്കുകയായിരുന്ന നൈകുമായുള്ള കരാർ അവസാനിപ്പിച്ച് പുതിയ കമ്പനിയുമായി സഹകരിച്ചാണ് ഇന്ത്യ പുതിയ ജേഴ്സി ഇറക്കിയിരിക്കുന്നത്. six5six എന്ന കമ്പനിയുമായാണ് കരാറിൽ എത്തിയിരിക്കുന്നത്.

കേരള ബ്ലാസ്റ്റേഴ്സിന് ഈ സീസണിൽ ജേഴ്സി ഒരുക്കിയത് six5six എന്ന കമ്പനി തന്നെ ആയിരുന്നു. ഏഷ്യാ കപ്പിനായായിരിക്കും Six5sixലൂടെ ഇന്ത്യൻ ടീമിന്റെ ആദ്യ ജേഴ്സി എത്തുക. പുതിയ ജേഴ്സി ഇന്ന് ഇന്ത്യൻ താരങ്ങളും പരിശീലകനും അണിനിരന്ന ചടങ്ങിൽ പുറത്ത് ഇറക്കി. നീലയും ഒപ്പം കൈകളിൽ കടുവയെ സൂചിപ്പിക്കുന്ന ഷേഡുകളുമായാണ് ഇന്ത്യൻ ജേഴ്സി എത്തുന്നത്. ഹോം, എവേ, ട്രെയിനിങ് കിറ്റുകൾ എന്നിവ ഇന്ന് പുറത്ത് ഇറക്കി.

2011 ശേഷം ആദ്യമായാണ് ഇന്ത്യൻ ടീം ഏഷ്യാകപ്പിൽ പങ്കെടുക്കുന്നത്. അവസാന 12 വർഷമാായി നൈക് ആയിരുന്നു ഇന്ത്യയുടെ കിറ്റ് പാട്ണർ. 2006ൽ ആയിരുന്നു അഡിഡാസുമായുള്ള കരാർ അവസാനിപ്പിച്ച് ഇന്ത്യ നൈകുമായി കരാർ ഒപ്പിട്ടത്.

ഓസ്ട്രേലിയൻ ഡിഫൻഡറായ ആരോൺ മൂയിക്ക് ഏഷ്യാ കപ്പ് നഷ്ടമാകും. ഇംഗ്ലീഷ് പ്രെമെഇയർ ലീഗ് ക്ലബായ ഹഡേഴ്സ് ഫീൽഡിന്റെ താരമായ മൂയിക്ക് കഴിഞ്ഞ ആഴ്ച ആഴ്സണലിനെതിരായ മത്സരത്തിലായിരുന്നു പരിക്കേറ്റത്. വലതു കാൽമുട്ടിനാണ് പരിക്കേറ്റിരിക്കുന്നത്. താരം നീണ്ട കാലം പുറത്തിരിക്കേണ്ടി വരുമെന്ന് ക്ലബ് തന്നെ അറിയിച്ചു.

ഏഷ്യാ കപ്പ് തുടങ്ങൻ ആഴ്ചകൾ മാത്രം ബാക്കിയിരിക്കെ ഇങ്ങനെ ഒരു പരിക്ക് ഓസ്ട്രേലിയക്ക് വലിയ തിരിച്ചടിയാണ്. ഏഷ്യാ കപ്പ് നിലനിർത്താൻ ഒരുങ്ങുന്ന ഓസ്ട്രേലിയക്ക് മൂയിയുടെ സേവനം ഒട്ടും ലഭ്യമാകില്ല. ക്ലബിന്റെയും രാജ്യത്തിന്റെയും നിർണായ മത്സരങ്ങൾ നഷ്ടമാകുന്നതിൽ സങ്കടമുണ്ട് എന്ന് അദ്ദേഹം പറഞ്ഞു

സിറിയ, ജോർദാൻ, പലസ്തീൻ എന്നീ രാജ്യങ്ങൾക്ക് ഒപ്പം ഗ്രൂപ്പ് ബിയികാണ് ഓസ്ട്രേലിയയുടെ സ്ഥാനം.

ഏഷ്യാ കപ്പ് കിരീടം തിരിച്ചുപിടിക്കാൻ ഒരുങ്ങുന്ന ജപ്പാൻ ടീമിനൊപ്പം സീനിയർ താരം കഗാവ ഉണ്ടാവില്ല. ജപ്പാൻ പരിശീലകൻ ഹാജിമെ മൊറിയാസു ഇന്ന് പ്രഖ്യാപിച്ച ടീമിൽ കൂടുതല യുവതാരങ്ങൾക്ക് അവസരം കൊടുത്തപ്പോൾ 29കാരനായ കഗാവ പുറത്തായി. ഇപ്പോൾ ജർമ്മൻ ക്ലബ് ഡോർട്മുണ്ടിനായി കളിക്കുന്ന താരത്തിന് അവിടെയും കളിക്കാൻ അവസരം ലഭിക്കുന്നില്ല.

മുമ്പ് മാഞ്ചസ്റ്റർ യുണൈറ്റഡിനായി കളിച്ച താരമാണ് കഗാവ. കഗാവയെ തഴഞ്ഞത് ഫോമിൽ ഇല്ലാത്തത് കൊണ്ടാണെന്ന് പരിശീലകൻ പറഞ്ഞു. കഴിഞ്ഞ ഏഷ്യാ കപ്പിൽ കിരീടം നേടാൻ കഴിഞ്ഞില്ല ഇത്തവണ എന്തു നൽകിയം കിരീടം നേടണം. അതുകൊണ്ട് തന്നെ ഫോമിൽ ഉള്ളവരെ മാത്രമെ ടീമിൽ എടുക്കു എന്നും പരിശീലകൻ പറഞ്ഞു.

യുവതാരങ്ങളാൽ സമ്പന്നമായ ടീമിൽ സീനിയർ താരങ്ങളായ യുയ ഒസാകോയും യുതോ നഗടോമോയും ഇടം പിടിച്ചിട്ടുണ്ട്‌. ജനുവരി ആദ്യവാരമാണ് ഏഷ്യാ കപ്പ് ആരംഭിക്കുന്നത്. 2011ൽ ആണ് അവസാനം ജപ്പാൻ ഏഷ്യം കിരീടം നേടിയത്.

Japan squad: Masaaki Higashiguchi (Gamba Osaka/JPN), Shuichi Gonda (Sagan Tosu/JPN), Daniel Schmidt (Vegalta Sendai/JPN), Yuto Nagatomo (Galatasaray/TUR), Tomoaki Makino (Urawa Red Diamonds/JPN), Maya Yoshida (Southampton/ENG), Sho Sasaki (Sanfrecce Hiroshima/JPN), Hiroki Sakai (Marseille/FRA), Sei Muroya (FC Tokyo/JPN), Genta Miura (Gamba Osaka/JPN), Takehiro Tomiyasu (Sint-Truiden/BEL), Toshihiro Aoyama (Sanfrecce Hiroshima/JPN), Genki Haraguchi (Hannover96/GER), Gaku Shibasaki (Getafe/ESP), Wataru Endo (Sint-Truiden/BEL), Junya Ito (Kashiwa Reysol/JPN), Shoya Nakajima (Portimonense/POR), Takumi Minamino (Salzburg/AUT), Hidemasa Morita (Kawasaki Frontale/JPN), Ritsu Doan (FC Groningen/NED), Yuya Osako (Werder Bremen/GER), Takuma Asano (Hannover96/GER), Koya Kitagawa (Shimizu S-Pulse/JPN) 

ഏഷ്യാ കപ്പിന് ഒരു മാസം മാത്രം ബാക്കിയിരിക്കെ താനും തന്റെ രാജ്യവും തയ്യാറാണെന്ന് ഇന്ത്യൻ സ്റ്റാാർ സ്ട്രൈക്കർ സുനിൽ ഛേത്രി പറയുന്നു. ജനുവരി ആദ്യ വാരം യു എ ഇയിൽ വെച്ചാണ് ഏഷ്യാ കപ്പ് നടക്കുന്നത്. ആതിഥേയർക്ക് ഒപ്പം ഗ്രൂപ്പ് എയിലാണ് ഇന്ത്യ. ഇത്തവണ ഇന്ത്യ തയ്യാറാണെന്നും 2011നെക്കാൾ മികച്ച പ്രകടനം ഗ്രൗണ്ടിൽ കാണാൻ ആവുമെന്നും ഛേത്രി പറഞ്ഞു. 2011ൽ ഇന്ത്യക്ക് അതു ഒരു വലിയ സ്റ്റേജായിരുന്നു. ഇനി എല്ലാ ഏഷ്യാ കപ്പിനും യോഗ്യത നേടി ഇത് ഇന്ത്യക്ക് അന്യമായ സ്ഥലമല്ലാതായി മാറ്റണമെന്നും ഛേത്രി പറഞ്ഞു.

ഇപ്പോഴുള്ള ഏഷ്യൻ ശക്തികളോട് താരതമ്യം ചെയ്യാതെ 15 വർഷങ്ങൾക്ക് മുമ്പ് ഉള്ള ഇന്ത്യ ടീമുമായി ഇപ്പോഴുള്ള ഇന്ത്യയെ താരതമ്യം ചെയ്യണം. അപ്പോൾ ഇന്ത്യ എത്ര മെച്ചപ്പെട്ടു എന്ന് മനസ്സിലാക്കാം. പതുക്കെ തന്നെ മെച്ചപ്പെട്ട് ഏഷ്യൻ ശക്തികൾക്ക് ഒപ്പം എത്താൻ ഇന്ത്യക്ക് ആകുമെന്നും ഛേത്രി പറഞ്ഞു.

2011ൽ ഇന്ത്യ ഏഷാ കപ്പ് കളിച്ചപ്പോൾ നേടിയ മൂന്ന് ഗോളുകളിൽ രണ്ടും ഛേത്രി ആയിരുന്നു നേടിയത്.

അടുത്ത സീസണായുള്ള എ എഫ് സി കപ്പിനും എ എഫ് സി ചാമ്പ്യൻസ് ലീഗിനുമായുള്ള ഡ്രോ കഴിഞ്ഞു. ഇന്ത്യയിൽ നിന്ന് രണ്ട് ക്ലബുകളാണ് ഏഷ്യയിൽ ഇന്ത്യ പ്രതിനിധീകരിക്കുക. ഐ ലീഗ് ചാമ്പ്യന്മാരായ മിനേർവ പഞ്ചാബും, ഐ എസ് എൽ ചാമ്പ്യന്മാരായ ചെന്നൈയിൻ എഫ് സിയും. ഇരുവരും എ എഫ് സി കപ്പിൽ എത്തുകയാണെങ്കിൽ ഒരു ഗ്രൂപ്പിൽ തന്നെയാകും കളിക്കുക.

മിനേർവ പഞ്ചാബിന് എ എഫ് സി ചാമ്പ്യൻസ് ലീഗ് പ്ലേ ഓഫുകളും, ചെന്നൈയിന് എ എഫ് സി കപ്പ് പ്ലേ ഓഫും ഇതിനു മുമ്പ് കളിക്കേണ്ടതുണ്ട്. എ എഫ് സി ചാമ്പ്യൻസ് ലീഗ് ഗ്രൂപ്പ് ഘട്ടം കളിക്കാൻ വേണ്ടി രണ്ട് പ്ലേ ഓഫ് മത്സരങ്ങളാണ് മിനേർവയ്ക്ക് കളിക്കാനുള്ളത്. ആദ്യം ഇറാനിയൻ ക്ലബായ സയ്പയെയും അത് ജയിക്കുകയാണെങ്കിൽ ഖത്തർ ക്ലബായ അൽ റയ്യാനും മിനേർവയുടെ മുന്നിൽ ഉണ്ട്. ഇതിൽ ഏതെങ്കിപും ഒരു മത്സരം പരാജയപ്പെടുക ആണെങ്കിൽ മിനേർവ പഞ്ചാബ് എ എഫ് സി കപ്പ് ഗ്രൂപ്പ് ഘട്ടത്തിലേക്ക് എത്തും.

ചെന്നൈയിന് ഒരു പ്ലേ ഓഫ് മത്സരം മാത്രമാണ് കളിക്കേണ്ടത്. ശ്രീലങ്കൻ ക്ലബായ കൊളംബോ എഫ് സിയും ഭൂട്ടാൻ ക്ലബായ ട്രാൻസ്പോർടും തമ്മിലുള്ള മത്സരത്തിലെ വിജയികളെ ആകും ചെന്നൈയിൻ പ്ലേ ഓഫിൽ നേരിടുക. അത് വിജയിക്കുകയാണെങ്കിൽ മാത്രമെ ചെന്നൈയിൻ എ എഫ് സി കപ്പിന് യോഗ്യത നേടു.

എ എഫ് സി ഗ്രൂപ്പ് ഘട്ടത്തിൽ ബംഗ്ലാദേശ് ചാമ്പ്യന്മാരും, നേപ്പാൾ ചാമ്പ്യന്മാരും ആകും ചെന്നൈയിനും മിനേർവയ്ക്കും ഒപ്പം ഉണ്ടാവുക.

എ എഫ് സി കപ്പ് ഒരിക്കൽ കൂടെ എയർ ഫോഴ്സ് ക്ലബ് സ്വന്തമാക്കി. ഇന്നലെ നടന്ന ഫൈനലിൽ തുർക്ക്മെനിസ്താൻ ക്ലബായ ആൽറ്റൈൻ അസൈറിനെ പരാജയപ്പെടുത്തി ആണ് എയർ ഫോഴ്സ് ക്ലബ് കിരീട ഉയർത്തിയത്. ഇത് തുടർച്ചയായ മൂന്നാം തവണയാണ് ഇറാഖി ക്ലബായ എയർ ഫോഴ്സ് എ എഫ് സി കപ്പ് ഉയർത്തുന്നത്. ഇന്നലെ എതിരില്ലാത്ത രണ്ടു ഗോളുകൾക്കായിരുന്നു എയർഫോഴ്സിന്റെ വിജയം.

അഹ്മദും ബയേഷുമാണ് എയർഫോഴ്സിനായി ഗോളുകൾ നേടിയത്. ഹമ്മദി അഹ്മദിനെ ടൂർണമെന്റിലെ മികച്ച താരമായി തിരഞ്ഞെടുത്തു. 2016ൽ ബെംഗളൂരു എഫ് സിയെ ഫൈനലിൽ പരാജയപ്പെടുത്തിയതും എയർഫോഴ്സ് ക്ലബായിരുന്നു.

എ.എഫ്.സി കപ്പ് ഇന്റർസോൺ സെമി ഫൈനലിൽ ബെംഗളൂരു എഫ് സിക്ക് തോൽവി. രണ്ടാം പാദ സെമി ഫൈനൽ മത്സരത്തിൽ ഏകപക്ഷീയമായ രണ്ടു ഗോളുകൾക്കാണ് ബെംഗളൂരു എഫ് സിയെ തുർക്മെനിസ്ഥാൻ ക്ലബായ അൾട്ടിൻ അസീർ പരാജയപ്പെടുത്തിയത്.  ആദ്യ പാദം 2-3ന് പരാജയപ്പെട്ട ബെംഗളൂരു എഫ് സി ഫൈനലിൽ എത്താൻ 2-0 ജയം ആവശ്യമായിരുന്നു. എന്നാൽ  ഒരു പാദങ്ങളിലുമായി 5-2ന്റെ കനത്ത തോൽവിയാണു ബെംഗളൂരു എഫ് സി ഏറ്റുവാങ്ങിയത്.

മത്സരത്തിൽ ആദ്യ പകുതിയിൽ ഗോൾ വഴങ്ങാതെ ബെംഗളൂരു എഫ് സി പിടിച്ചു നിന്നെങ്കിലും രണ്ടാം പകുതിയിൽ രണ്ടു ഗോൾ നേടി അൾട്ടിൻ അസീർ വിജയമുറപ്പിക്കുകയായിരുന്നു. അൾട്ടിൻ അസീറിനു വേണ്ടി അൾറ്റിമിററ്റ് അണ്ണാദുര്യേവും വഹിത് ഒരസ്ക്കദേവുമാണ് ഗോളുകൾ നേടിയത്.