മോഹൻ ബഗാൻ ഇന്ന് എ എഫ് സി കപ്പ് ഇന്റർ സോൺ സെമി ഫൈനലിൽ ഇറങ്ങും

എ ടി കെ മോഹൻ ബഗാൻ ഇന്ന് എ എഫ് സി കപ്പ് ഇന്റർ സോൺ സെമി ഫൈനലിൽ കോലാലംപൂർ സിറ്റിക്ക് എതിരെ ഇറങ്ങും. കൊൽക്കത്ത സാൾട്ട് ലേക്ക് സ്റ്റേഡിയത്തിൽ നടക്കുന്ന മത്സരം രാത്രി 7 മണിക്ക് ആണ് ആരംഭിക്കുക‌. കളി തത്സമയം സ്റ്റാർ സ്പോർട്സിൽ കാണാം. ജിയോ ടിവി, ഹോട്സ്റ്റാർ എന്നിവിടം വഴി ഓൺലൈൻ ആയും മത്സരം കാണാം.

ഗ്രൂപ്പ് ഘട്ടത്തിൽ മൂന്ന് മത്സരങ്ങളിൽ 6 പോയിന്റുമായി മോഹൻ ബഗാൻ ഒന്നാമത് ഫിനിഷ് ചെയ്തിരുന്നു. ഗോകുലത്തോട് ഗ്രൂപ്പ് ഘട്ടത്തിൽ തോറ്റിരുന്നു എങ്കിലും ബഷുന്ധര കിംഗ്സിനെയും മാസിയയെയും തോൽപ്പിച്ച് ആണ് മോഹൻ ബഗാൻ ഇന്റർ സോൺ സെമിയിലേക്ക് എത്തിയത്.

ഡൂറണ്ട് കപ്പിൽ ഗ്രൂപ്പ് ഘട്ടത്തിൽ പുറത്തായ മോഹൻ ബഗാൻ ഇന്റർസോൺ ഫൈനലിൽ എത്തി ആ നിരാശ തീർക്കാം എന്നാണ് കരുതുന്നത്.