കോഴിക്കോട്, ജനുവരി 17: ഗോകുലം കേരള എഫ് സി എ എഫ് സി കപ്പ് ഗ്രൂപ്പ് ഡി യിൽ.
ബംഗ്ലാദേശ് ചാമ്പ്യന്മാരായ ബസുന്ദര കിങ്‌സ്, മാലി ദ്വീപ് ചാമ്പ്യന്മാരായ മാസിയ, പ്ലേ ഓഫ് വിന്നേഴ്സ് അടങ്ങിയ ഗ്രൂപ്പിലാണ് ഗോകുലം കളിക്കുന്നത്.
ആദ്യത്തെ പ്രാവശ്യമാണ് ഒരു കേരള ടീമ് എ എഫ് സി കളിക്കുന്നത്. കഴിഞ്ഞ നവംബറിൽ ഗോകുലത്തിന്റെ വനിതാ ടീമ് എ എഫ് സി ക്ലബ് ചാമ്പ്യൻഷിപ്പിൽ പങ്കെടുത്തിരിന്നു. കളികളുടെ തീയതികളും, മത്സരവേദിയും ഉടനെ തീരുമാനിക്കും.
“എ എഫ്‌സി സ്ഥിരം കളിക്കുന്ന ക്ലബ്ബുകളാണ് മാസിയ, ബസുന്ദര കിങ്‌സ്. അത് കൊണ്ട് തന്നെ വളരെ ബുദ്ധിമുട്ടുള്ള ഗ്രൂപ്പാണ്. പക്ഷെ എല്ലാ കളികളും വിജയിക്കുക തന്നെയാണ് ഗോകുലത്തിന്റെ ലക്‌ഷ്യം,” ഗോകുലത്തിന്റെ ഹെഡ് കോച്ച് വിൻസെൻസോ പറഞ്ഞു.
“എ എഫ് സി പങ്കെടുക്കുന്നത് ഗോകുലത്തിന്റെ ചരിത്ര പ്രധാന നേട്ടമാണ്. വിജയത്തോടെ മടങ്ങി വരുവാൻ ആയിരിക്കും ഞങ്ങൾ ശ്രമിക്കുക,” ഗോകുലം പ്രസിഡന്റ് വി സി പ്രവീൺ പറഞ്ഞു.
