ചെന്നൈ സിറ്റിക്ക് ഇന്ന് ആദ്യ എ എഫ് സി കപ്പ് മത്സരം

- Advertisement -

ചെന്നൈ സിറ്റി ഇന്ന് തങ്ങളുടെ ആദ്യ എ എഫ് സി കപ്പ് മത്സരത്തിന് ഇറങ്ങും. ഗ്രൂപ്പ് ഘട്ട പോരാട്ടത്തിൽ മാൽഡീവ്സ് ക്ലബായ മാസിയയെ ആണ് ചെന്നൈ സിറ്റി ഇന്ന് നേരിടുന്നത്. ചെന്നൈയിലെ ജവഹർ ലാൽ നെഹ്റു സ്റ്റേഡിയത്തിൽ വെച്ചാകും മത്സരം നടക്കുക. ഇതാദ്യമായാണ് തമിഴ്നാട്ടിൽ ഒരു എ എഫ് സി കപ്പ് മത്സരം നടക്കുന്നത്. ഇത്തവണ ഇന്ത്യയിൽ നിന്ന് എ എഫ് സി കപ്പിൽ മത്സരിക്കുന്ന ഏക ടീമാണ് ചെന്നൈ സിറ്റി.

എ എഫ് സി കപ്പിൽ കളിക്കേണ്ടിയിരുന്ന ബെംഗളൂരു എഫ് സി നേരത്തെ പ്ലേ ഓഫിൽ പരാജയപ്പെട്ട് പുറത്തായിരുന്നു. പ്ലേ ഓഫിൽ മാസിയ തന്നെ ആയിരുന്നു ബെംഗളൂരു എഫ് സിയെ പുറത്താക്കിയത്. ഇന്ന് രാത്രി 7.30നാണ് മത്സരം നടക്കുക. ഐ ലീഗിൽ ഈ സീസണിൽ ഫോമിൽ എത്താൻ ആവാത്ത ചെന്നൈ സിറ്റിക്ക് ഏഷ്യയിൽ എങ്കിലും തിളങ്ങിയില്ലാ എങ്കിൽ ഈ സീസൺ നിരാശയുടേതാകും.

Advertisement