എ എഫ് സി കപ്പ് ഇത്തണ ഇല്ല, ചെന്നൈ സിറ്റി സ്വപ്നം അവസാനിച്ചു

ഇത്തവണത്തെ എ എഫ് സി കപ്പ് ഉപേക്ഷിക്കാൻ എ എഫ് സി ഔദ്യോഗികമായി തീരുമാനിച്ചു. ഈ സീസണിൽ പകുതിക്ക് ആയ എ എഫ് സി കപ്പ് പൂർത്തിയാക്കാൻ കൊറോണ കാരണം ആകില്ല എന്ന് എ എഫ് സി അറിയിച്ചു. എ എഫ് സി കപ്പിൽ ഇതുവരെ ഗ്രൂപ്പ് ഘട്ടം പോലും പൂർത്തിയാക്കാൻ കഴിഞ്ഞിരുന്നില്ല. ഇനി അടുത്ത സീസണിൽ പുതിയ ടീമുകളുമായി എ എഫ് സി ടൂർണമെന്റ് നടത്തും.

ഇന്ത്യൻ ക്ലബായ ചെന്നൈ സിറ്റിയുടെ ആദ്യ എ എഫ് സി കപ്പാണ് ഇങ്ങനെ മുടങ്ങി ഇല്ലാതെ ആകുന്നത്. നേരത്തെ ബാക്കിയുള്ള എഫ് എഫ് സി കപ്പ് ഗ്രൂപ്പ് മത്സരങ്ങൾ മാൽഡീവ്സിൽ നടക്കും എന്ന് എ എഫ് സി ചെന്നൈ സിറ്റിയെ അറിയിച്ചിരുന്നു. എന്നാൽ അതും പ്രാവർത്തികമല്ലാത്തതിനാൽ ടൂർണമെന്റ് തന്നെ ഉപേക്ഷിക്കാൻ തീരുമാനം ആയിരിക്കുകയാണ്. ആകെ ഒരു മത്സരമാണ് ചെന്നൈ സിറ്റി എ എഫ് സി കപ്പ് ഗ്രൂപ്പ് ഘട്ടത്തിൽ കളിച്ചിരുന്നത്.

എന്നാൽ എ എഫ് സി ചാമ്പ്യൻസ് ലീഗ് പൂർത്തിയാക്കും എന്ന് എ എഫ് സി അറിയിച്ചു. എങ്ങനെ എപ്പോൾ നടക്കും എന്ന് പിന്നീട് അറിയിക്കും എന്നും എ എഫ് സി പറഞ്ഞു.