ബംഗ്ലാദേശിലെ ധാക്കയിലുള്ള ബിഎസ്എസ്എസ് മൊസ്തഫ കമാൽ സ്റ്റേഡിയത്തിൽ നടന്ന 2023 സാഫ് അണ്ടർ 17 വനിതാ ചാമ്പ്യൻഷിപ്പിന്റെ ഉദ്ഘാടന മത്സരത്തിൽ ഇന്ത്യയുടെ അണ്ടർ 17 ടീം നേപ്പാളിനെതിരെ 4-1ന്റെ വലിയ വിജയം നേടി. മലയാളി താരം ഷിൽജി ഷാജി ഹാട്രിക്കുമായി കളിയിലെ താരമായി. മത്സരം ആരംഭിച്ച് പത്താം മിനുട്ടിൽ തന്നെ ഷിൽജി ഇന്ത്യക്ക് ലീഡ് നൽകി.
40, 81 മിനുട്ടുകളിലും ഷിൽജി ഇന്ത്യക്കായി ഗോളുകൾ നേടി. പൂജയും ഇന്ത്യക്ക് വേണ്ടി ഗോൾ നേടി. ഇതോടെ ഇന്ത്യയുടെ വിജയം പൂർത്തിയായി. ബർഷ അലി ആണ് നേപാളിനായി ഗോൾ നേടിയത്‌
