തനിക്ക് സ്പാനിഷ് ലാ ലീഗയിൽ നേരിടുന്ന നേരിട്ട വംശീയ ആക്രമണങ്ങൾക്ക് എതിരായ പ്രതിഷേധത്തിൽ പ്രതികരണവും ആയി എത്തിയ ലാ ലീഗ പ്രസിഡന്റ് ഹാവിയർ ടെബാസിന് എതിരെ അതിരൂക്ഷമായ വിമർശനവും ആയി റയൽ മാഡ്രിഡിന്റെ ബ്രസീലിയൻ താരം വിനീഷ്യസ് ജൂനിയർ. റേസിസവും ആയി ബന്ധപ്പെട്ട കാര്യങ്ങൾ ചർച്ച ചെയ്യാൻ ലാ ലീഗ വിളിച്ച രണ്ടു യോഗത്തിലും വിനീഷ്യസ് പങ്കെടുത്തില്ല എന്നു പറഞ്ഞ ടെബാസ്, കാര്യങ്ങൾ മനസ്സിലാക്കുന്നതിന് മുമ്പ് വിനീഷ്യസ് ലാ ലീഗയെ വിമർശിക്കുകയും അപമാനിക്കുകയും ചെയ്തു എന്നും ട്വീറ്റ് ചെയ്തിരുന്നു.
കാര്യങ്ങൾ മനസ്സിലാക്കാതെ വിനീഷ്യസ് ആളുകളെ തെറ്റിദ്ധരിപ്പിക്കാൻ നോക്കുക ആണെന്നും ടെബാസ് ട്വീറ്റ് ചെയ്തിരുന്നു. എന്നാൽ ഇതിനുള്ള മറുപടി ട്വീറ്റിൽ ആണ് ടെബാസിന് നേരെ അതിരൂക്ഷമായ ഭാഷയിൽ വിനീഷ്യസ് പ്രതികരിച്ചത്. ഇപ്പോഴും വംശീയവാദികളെ വിമർശിക്കാതെ സോഷ്യൽ മീഡിയയിൽ വന്നു തന്നെ കുറ്റം പറയാൻ ആണ് ലാ ലീഗ പ്രസിഡന്റിന് താൽപ്പര്യം എന്നു വിനീഷ്യസ് തുറന്നടിച്ചു. കാര്യങ്ങൾ മനസ്സിലാക്കാതെ മറച്ചു വെച്ചിട്ട് കാര്യമില്ല ലാ ലീഗക്ക് നിലവിൽ അന്തസ് നഷ്ടമായി എന്നും അത് മനസ്സിലാക്കാൻ സോഷ്യൽ മീഡിയയിൽ ലഭിക്കുന്ന പ്രതികരണങ്ങൾ ടെബാസ് നോക്കിയാൽ മതിയെന്നും വിനീഷ്യസ് കൂട്ടിച്ചേർത്തു.
കാര്യങ്ങളിൽ നിന്നു മാറി നിന്നാൽ നിങ്ങൾ റേസിസ്റ്റുകളുടെ സുഹൃത്ത് ആണ് ആവുന്നത് എന്നു പറഞ്ഞ വിനീഷ്യസ് വംശീയതയെ കുറിച്ച് സംസാരിക്കാൻ താൻ നിങ്ങളുടെ സുഹൃത്ത് അല്ലെന്നും തനിക്ക് വേണ്ടത് വംശീയ വാദികൾക്ക് എതിരായ നടപടികളും ശിക്ഷയും ആണെന്നും കൂട്ടിച്ചേർത്തു. ഒപ്പം സാമൂഹിക മാധ്യമങ്ങളിലെ പിന്തുണ തനിക്ക് ആവശ്യമില്ലെന്നും വിനീഷ്യസ് തുറന്നു പറഞ്ഞു. നിലവിൽ സ്പാനിഷ് ലാ ലീഗയെ തന്നെ ഒന്നടങ്കം റേസിസം വിഷയം നാണക്കേടിൽ തള്ളിവിടുന്ന സമയത്ത് ആണ് ലാ ലീഗ പ്രസിസന്റിന്റെ വിവാദ പരാമർശവും വിനീഷ്യസിന്റെ മറുപടിയും.
