യൂറോപ്യൻ സൂപ്പർ ലീഗിനെ വിമർശിച്ച് പെപ് ഗ്വാർഡൊയോള. ഇങ്ങനെ ഒരു ലീഗിലേക്ക് എത്തിയത് എങ്ങനെ ആണെന്ന് സൂപ്പർ ലീഗിന്റെ പ്രസിഡന്റ് ഒന്ന് എല്ലാവരെയും പറഞ്ഞു മനസിലാക്കണം എന്ന് മാഞ്ചസ്റ്റർ സിറ്റി പരിശീലകൻ പറഞ്ഞു. വിജയങ്ങൾ ഉറപ്പു നൽകുന്ന പരാജയപ്പെട്ടാൽ ഒന്നും സംഭവിക്കാത്ത ഒരു കാര്യത്തെയും സ്പോർട്സ് ആയി അംഗീകരിക്കാൻ ആകില്ല എന്ന് ഗ്വാർഡിയോള പറഞ്ഞു.
പരിശ്രമങ്ങളും വിജയങ്ങളുമായി ബന്ധമില്ല എങ്കിൽ അത് സ്പോർട് അല്ല, പരാജയപ്പെട്ടാൽ ഒന്നും സംഭവിക്കില്ല എങ്കിൽ അത് സ്പോർട് അല്ല. എന്നും ഏറ്റവു മികച്ച മത്സരങ്ങളും ടൂർണമെന്റും വേണം എന്നാണ് താൻ ആഗ്രഹിക്കുന്നത്. എന്നാൽ ഏറ്റവും മികച്ച പ്രകടനം നടത്തുന്ന ടീമുകൾക്ക് യോഗ്യത നേടാൻ ആവില്ല എങ്കിൽ അത് ശരിയല്ല. പെപ് പറഞ്ഞു. നാലു ചാമ്പ്യൻസ് ലീഗ് നേടിയിട്ടുള്ള അയാക്സ് സൂപ്പർ ലീഗിൽ ഇല്ലാത്തത് എന്ത് കൊണ്ടാണെന്ന് വ്യക്തമാക്കണം എന്നും പെപ് പറഞ്ഞു.
