ടെന്നീസ് ചരിത്രത്തിലെ ഏറ്റവും വലിയ സമ്മാനത്തുകയുമായി 2025-ലെ യു.എസ്. ഓപ്പൺ. 90 മില്യൺ ഡോളറാണ് (ഏകദേശം 745 കോടി രൂപ) ഇത്തവണത്തെ ആകെ സമ്മാനത്തുക. കഴിഞ്ഞ വർഷത്തെ 75 മില്യൺ ഡോളറിൽ നിന്ന് 20% വർധനവാണ് ഇത്തവണയുണ്ടായിരിക്കുന്നത്.
പുരുഷ-വനിതാ സിംഗിൾസ് ജേതാക്കൾക്ക് 5 മില്യൺ ഡോളർ (ഏകദേശം 41 കോടി രൂപ) വീതം ലഭിക്കും. കഴിഞ്ഞ വർഷം ഇത് 3.6 മില്യൺ ഡോളറായിരുന്നു.
ടൂർണമെന്റിലെ എല്ലാ റൗണ്ടുകളിലും ഇത്തവണ സമ്മാനത്തുകയിൽ വലിയ ശതമാനം വർധനവുണ്ടായിട്ടുണ്ട്. താഴ്ന്ന റാങ്കുകളിലുള്ള താരങ്ങൾക്ക് കൂടുതൽ വരുമാനം ഉറപ്പാക്കുക എന്ന ലക്ഷ്യത്തോടെയാണ് ഈ തീരുമാനം.
പ്രധാന ടൂർണമെന്റിന് തൊട്ടുമുമ്പ് നടക്കുന്ന മിക്സഡ് ഡബിൾസിന് പുതിയ ഫോർമാറ്റ് അവതരിപ്പിച്ചിട്ടുണ്ട്. പ്രമുഖ സിംഗിൾസ് താരങ്ങളെ ഉൾപ്പെടുത്തിക്കൊണ്ടുള്ള പുതിയ ഫോർമാറ്റ് ടൂർണമെന്റിന് കൂടുതൽ ആവേശം പകരും.
ഓഗസ്റ്റ് 24 മുതൽ സെപ്റ്റംബർ 7 വരെ 15 ദിവസങ്ങളിലായി സിംഗിൾസ് മത്സരങ്ങൾ നടക്കും. 2024-ൽ ഒരു മില്യണിലധികം ആളുകൾ ടൂർണമെന്റ് കാണാനെത്തിയിരുന്നു. ഈ വർഷം അതിലും വലിയ ജനപങ്കാളിത്തം സംഘാടകർ പ്രതീക്ഷിക്കുന്നു.
