വെർണർ തിരികെ ലൈപ്സിഗിൽ എത്തും, താരത്തെ വിൽക്കാൻ ചെൽസി സമ്മതിച്ചു

Werner

ചെൽസിയുടെ അറ്റാക്കിംഗ് താരം ടിമോ വെർണറിനെ വിൽക്കാൻ തന്നെ ചെൽസി തീരുമാനിച്ചു. വെർണറിന്റെ മുൻ ക്ലബ് കൂടിയായ ലൈപ്സിഗ് തന്നെ ആകും താരത്തെ സ്വന്തമാക്കുന്നത്. യുവന്റസിനെ മറികടന്നാണ് ലൈപ്സിഗ് വെർണറിനെ സ്വന്തമാക്കുന്നത്. ആദ്യം ലോണിൽ താരത്തെ അയക്കാൻ ആണ് ചെൽസി ശ്രമിച്ചത് എങ്കിലും ഇപ്പോൾ താരത്തെ വിൽക്കാൻ തന്നെ ക്ലബ് തീരുമാനിച്ചു.

അവസാന രണ്ട് സീസണായി ചെൽസിക്ക് ഒപ്പം ഉള്ള വെർണർക്ക് ചെൽസിയിൽ ഒരിക്കലും തന്റെ ജർമ്മനിയിലെ ഫോം കണ്ടെത്താൻ ആയിരുന്നില്ല 26കാരനായ താരം 2020 സമ്മറിൽ ലൈപ്സിഗിൽ നിന്നാണ് സ്റ്റാംഫോ ബ്രിഡ്ജിലേക്ക് എത്തിയത്‌.

ലൈപ്സിഗിൽ ഗോളടിച്ച് കൂട്ടിയിരുന്ന ബൂട്ടുകൾ ചെൽസിയിൽ എത്തിയപ്പോൾ നിശ്ചലമായി. ചെൽസിയിൽ അവസാന രണ്ട് സീസണിലുമായി എണ്ണമില്ലാത്ത അവസരങ്ങൾ ആണ് വെർണർ നഷ്ടമാക്കിയത്. ലൈപ്സിഗിലേക്ക് മടങ്ങാൻ താരവും ആഗ്രഹിക്കുന്നുണ്ട്.

Story Highlights: Timo Werner’s return to RB Leipzig is getting closer