കേരള ബ്ലാസ്റ്റേഴ്സിന്റെ ടീം ഭാവിയിലേക്കുള്ള ടീം ആണെന്ന് കേരള ബ്ലാസ്റ്റേഴ്‌സ് പരിശീലകൻ ഡേവിഡ് ജെയിംസ്. ഇന്ത്യൻ സൂപ്പർ ലീഗിൽ എ.ടി.കെയെ നേരിടാനിരിക്കെയാണ് കേരള ബ്ലാസ്റ്റേഴ്‌സ് പരിശീലകന്റെ പ്രതികരണം.
“ഈ വർഷവും വരും വർഷങ്ങളിലും ഐ.എസ്.എൽ ജയിക്കാൻ സാധ്യതയുള്ള ടീമാണ് പടുത്തുയർത്തുന്നത്. ഐ.എസ്.എല്ലിലെ ഏറ്റവും പ്രായം കുറഞ്ഞ ടീം കൂടിയാണ് കേരള ബ്ലാസ്റ്റേഴ്സിന്റെത്”. ഡേവിഡ് ജെയിംസ് പറഞ്ഞു. ജയിക്കുക എന്നതിലുപരി സീസൺ മികച്ച രീതിയിൽ തുടങ്ങുക എന്നതാണ് നാളത്തെ മത്സരത്തിൽ താൻ പ്രതീക്ഷിക്കുന്നതെന്നും ജെയിംസ് പറഞ്ഞു.
സന്ദേശ് ജിങ്കനെ പ്രകീർത്തിച്ച ഡേവിഡ് ജെയിംസ് കേരള ബ്ലാസ്റ്റേഴ്സിൽ കൂടുതൽ പേർ സന്ദേശ് ജിങ്കനെ മാതൃകയാക്കണമെന്നും പറഞ്ഞു.
