‘വാർ’ അത് പെനാൽട്ടി നൽകില്ലെന്ന് 100 യൂറോക്ക് മെസ്സിയും ആയി ബെറ്റ് വച്ചിരുന്നു – ചെസ്നി

Picsart 22 12 01 03 03 11 871

അർജന്റീന, പോളണ്ട് മത്സരത്തിൽ ലയണൽ മെസ്സിക്ക് എതിരായ ഫൗളിന് ‘വാർ’ പെനാൽട്ടി നൽകില്ലെന്ന് താൻ മെസ്സിയും ആയി കളത്തിൽ ബെറ്റ് വച്ചിരുന്നത് ആയി പോളണ്ട് ഗോൾ കീപ്പർ ചെസ്നി. എന്നാൽ ഇത് റഫറി പെനാൽട്ടി അനുവദിക്കുക ആയിരുന്നു. തുടർന്ന് ചെസ്നി മെസ്സിയുടെ പെനാൽട്ടി ഉഗ്രൻ ചാട്ടത്തിലൂടെ രക്ഷിക്കുക ആയിരുന്നു.

പെനാൽട്ടി അനുവദിച്ചു എങ്കിലും മെസ്സിക്ക് താൻ 100 യൂറോ നൽകില്ലെന്ന് പറഞ്ഞ ചെസ്നി 100 യൂറോ ആയതിനാൽ മെസ്സി അത് കാര്യമാക്കില്ലെന്നും കൂട്ടിച്ചേർത്തു. ലോകകപ്പിൽ ബെറ്റിങ് അനുവദനീയമല്ല എന്നതിനാൽ ചിലപ്പോൾ തനിക്ക് വിലക്ക് കിട്ടുമോ എന്ന തമാശയും മുൻ ആഴ്‌സണൽ ഗോൾ കീപ്പർ മത്സരശേഷം പങ്ക് വച്ചു.