ഇറ്റാലിയൻ സൂപ്പർ കപ്പ് പോരാട്ടത്തിനായി യുവന്റസ് ടീം സൗദി അറേബ്യയിലെ ജിദ്ദയിൽ എത്തി. ഇന്നലെ ആണ് ടീം ജിദ്ദയിൽ വിമാനം ഇറങ്ങിയത്. മിലാനെ ആണ് യുവന്റസിന് സൂപ്പർ കപ്പിൽ നേരിടേണ്ടത്‌. ഇതാദ്യമായാണ് ഇറ്റാലിയൻ സൂപ്പർ കപ്പ് സൗദിയിൽ നടക്കുന്നത്. ഇന്നലെ അഞ്ചു മണിക്കൂർ നീണ്ട വിമാന യാത്രയ്ക്ക് ശേഷം ജിദ്ദയിൽ ഇറങ്ങിയ യുവന്റസ് ടീമിനെ വലിയ ആരാധക കൂട്ടം തന്നെ സ്വീകരിക്കാബ് എത്തി.
ക്രിസ്റ്റ്യാനോ റൊണാൾഡോ, ഡിബാല തുടങ്ങി മുഴുവൻ പ്രധാന താരങ്ങളും സൗദി അറേബ്യയിൽ എത്തിയിട്ടുണ്ട്. നാളെയാണ് സൂപ്പർ കപ്പ് പോരാട്ടം നടക്കുക. വിജയിക്കുക ആണെങ്കിൽ റൊണാൾഡോയുടെ യുവന്റസ് ജേഴ്സിയിലെ ആദ്യ കിരീടമാകും ഇത്. ഇറ്റലിയിലെ ഒരു ടീമിനോടും ഈ സീസണിൽ ഇതുവരെ യുവന്റസ് പരാജയപ്പെട്ടിട്ടില്ല.
