മത്സരത്തിന്റെ ഭൂരിഭാഗവും മത്സരത്തിൽ ലീഡ് നേടിയിട്ടും സ്റ്റുറിഡ്ജിന്റെ മാജിക് ഗോളിൽ ചെൽസിയെ സമനിലയിൽ തളച്ച് ലിവർപൂൾ. മത്സരത്തിന്റെ ഭൂരിഭാഗവും ലീഡ് ചെൽസിക്കായിരുന്നെങ്കിലും മത്സരം അവസാനിക്കാൻ മിനുട്ടുകൾ മാത്രം ശേഷിക്കെ സ്റ്റുറിഡ്ജ് ലിവർപൂളിന് സമനില നേടി കൊടുക്കുകയായിരുന്നു.
ഇരു ടീമുകളുടെയും ആക്രമണ ഫുട്ബോൾ കണ്ട മത്സരത്തിൽ ചെൽസിയാണ് ആദ്യം ഗോൾ നേടിയത്. ഒരു നിമിഷം ലിവർപൂൾ പ്രതിരോധം ഹസാർഡിനെ പ്രതിരോധിക്കാൻ മറന്നപ്പോൾ ലോകോത്തര ഗോളിലൂടെ ഹസാഡ് അലിസണെ മറികടക്കുകയായിരുന്നു. തുടർന്ന് ഇരു ടീമിനും ഗോൾ നേടാനുള്ള നിരവധി അവസരങ്ങൾ ലഭിച്ചെങ്കിലും ഗോൾ മാത്രം പിറന്നില്ല.
തുടർന്നാണ് പകരക്കാരനായി ഇറങ്ങിയ സ്റ്റുറിഡ്ജ് ചെൽസിയുടെ ഹൃദയം തകർത്ത ഗോൾ നേടിയത്. പെനാൽറ്റി ബോക്സിനു പുറത്തുനിന്ന് സ്റ്റുറിഡ്ജ് എടുത്ത ഷോട്ട് ചെൽസി ഗോൾ കീപ്പർക്ക് യാതൊരു അവസരവും നൽകാതെ ഗോളകുകയായിരുന്നു. മത്സരം സമനിലയിലായതോടെ മാഞ്ചസ്റ്റർ സിറ്റി പ്രീമിയർ ലീഗ് പോയിന്റ് പട്ടികയിൽ ഒന്നാം സ്ഥാനത്തെത്തി. ലിവർപൂൾ രണ്ടാമതും ചെൽസി മൂന്നാമതുമാണ്.
