ഇന്ന് ഐ ലീഗിൽ നടന്ന വാശിയേറിയ മത്സരത്തിൽ കെങ്ക്രെ എഫ്‌സി 1-2 എന്ന സ്‌കോറിന് ശ്രീനിധി ഡെക്കാനെ പരാജയപ്പെടുത്തി. നിലവിൽ 13 മത്സരങ്ങളിൽ നിന്ന് 25 പോയിന്റുമായി രണ്ടാം സ്ഥാനത്തുള്ള ശ്രീനിധി പട്ടികയിൽ ഒന്നാമതെത്താനുള്ള അവസരം ആണ് നഷ്ടപ്പെടുത്തിയത്. 26 പോയിന്റുമായി പഞ്ചാബ് എഫ്‌സി ഒന്നാം സ്ഥാനത്ത് തുടരുന്നു.
കേരള ക്ലബ് ഗോകുലം കേരളക്ക് അനുകൂലമായ ഒരു ഫലം ആണ് ഇത്. അവർ ഇപ്പോൾ ശ്രീനിധിക്ക് നാല് പോയിന്റ് മാത്രം പിന്നിലാണ്, ഒരു മത്സരം കൈയിലുമുണ്ട്.
75-ാം മിനിറ്റിൽ പെനാൽറ്റി കിക്കിൽ നിന്ന് ഗെയ്‌ക്‌വാദ് കെങ്ക്രെയ്‌ക്കായി ഗോൾ നേടുന്നതുവരെ മത്സരം താരതമ്യേന ഒപ്പത്തിനൊപ്പം ആയിരുന്നു ഇന്നത്തെ കളി മുന്നോട്ട് പോയത്. കെഞ്രെയുടെ ഗോളിന് രണ്ട് മിനിറ്റിനുള്ളിൽ ലൂയിസിന്റെ ഗോളിലൂടെ ശ്രീനിധി അതിവേഗം മറുപടി നൽകി. സമനില ഗോൾ വഴങ്ങിയിട്ടും വിട്ടുകൊടുക്കാൻ കെങ്ക്രെ വിസമ്മതിക്കുകയും 90-ാം മിനിറ്റിൽ ഫൈസ് ഖാനിലൂടെ വിജയഗോൾ നേടുകയും ചെയ്തു.
