കേരള പ്രീമിയർ ലീഗിൽ ഇന്ന് എറണാകുളം മഹാരാജാസ് കോളേജിൽ നടന്ന മത്സരത്തിൽ മുത്തൂറ്റ് എഫ്എ ഡോൺ ബോസ്കോയെ 2-0ന് പരാജയപ്പെടുത്തി. പകരക്കാരനായി ഇറങ്ങിയ പിവി വിഷ്ണു 52, 90 മിനിറ്റുകളിൽ നേടിയ രണ്ട് ഗോളുകളാണ് മുത്തൂറ്റ് എഫ്എയെ വിജയത്തിലേക്ക് നയിച്ചത്‌. വിഷ്ണുവിന്റെ പ്രകടനം താരത്തെ കളിയിലെ മികച്ച താരത്തിനുള്ള പുരസ്‌കാരത്തിനും അർഹനാക്കി.
ഗ്രൂപ്പ് ബിയിൽ മുത്തൂറ്റ് എഫ്എയുടെ ആദ്യ വിജയമാണിത്. ഈ വിജയം, അവരെ പട്ടികയിൽ നാലാം സ്ഥാനത്തേക്ക് ഉയർത്തി. മറുവശത്ത്, ഡോൺ ബോസ്‌കോ തുടർച്ചയായ മൂന്നാം തോൽവിയാണ് ഏറ്റുവാങ്ങിയത്‌. നിലവിൽ 7 പോയിന്റുമായി കേരള പൊലീസാണ് പട്ടികയിൽ ഒന്നാം സ്ഥാനത്ത്.
