വെങ്കലമില്ലെങ്കിലും ശ്രീജയുടെ പ്രകടനത്തിൽ ഇന്ത്യയ്ക്ക് അഭിമാനിക്കാം

കോമൺവെൽത്ത് ടേബിള്‍ ടെന്നീസ് വനിത സിംഗിള്‍സ് വെങ്കല മെഡൽ മത്സരത്തിൽ പൊരുതി വീണ് ഇന്ത്യയുടെ ശ്രീജ അകുല. സെമി ഫൈനലിലെ പോലെ 3-4 എന്ന സ്കോറിനാണ് ശ്രീജ പൊരുതി വീണത്.

ഓസ്ട്രേലിയയുടെ യാംഗ്സി ലിയുവിനോട് 11-3, 6-11, 2-11, 11-7, 13-15, 11-9, 7-11 എന്ന സ്കോറിനാണ് ഇന്ത്യന്‍ താരം പിന്നിൽ പോയത്. തന്റെ ആദ്യ കോമൺവെൽത്ത് ഗെയിംസിൽ തന്നെ താരം ശ്രദ്ധേയമായ പ്രകടനം പുറത്തെടുത്ത് ശ്രദ്ധ നേടിയിരിക്കുകയാണ്.

മിക്സഡ് ഡബിള്‍സിൽ ശരത് കമാലുമായി ശ്രീജ ഫൈനലിന് ഇന്ന് ഇറങ്ങുന്നുണ്ട്.