ഗോൾ അടിക്കാൻ പിള്ളേരുണ്ട്,ലോകകപ്പിന് മുമ്പ് ജോർദാനെ തകർത്തു സ്‌പെയിൻ

ലോകകപ്പിന് മുമ്പുള്ള സൗഹൃദമത്സരത്തിൽ ജോർദാനെ ഒന്നിന് എതിരെ മൂന്നു ഗോളുകൾക്ക് തകർത്തു സ്‌പെയിൻ. ഗോൾ അടിക്കാൻ ടീമിൽ ആളില്ല എന്ന പരാതിക്ക് യുവതാരങ്ങൾ മറുപടി നൽകുന്നത് എന്നാണ് ഇന്ന് കാണാൻ ആയത്. വലിയ സ്പാനിഷ് ആധിപത്യം കണ്ട മത്സരത്തിൽ 13 മത്തെ മിനിറ്റിൽ മാർകോ അസൻസിയുടെ പാസിൽ നിന്നു ഇരുപതുകാരനായ അൻസു ഫാതി സ്‌പെയിനിന് മുൻതൂക്കം നൽകി.

തുടർന്ന് രണ്ടാം പകുതിയിൽ 56 മത്തെ മിനിറ്റിൽ 18 വയസ്സുകാരൻ ഗാവി സ്‌പെയിനിന് രണ്ടാം ഗോൾ സമ്മാനിച്ചു. തുടർന്ന് 84 മത്തെ മിനിറ്റിൽ യെറമി പിനോയുടെ പാസിൽ നിന്നു പകരക്കാരനായി ഇറങ്ങിയ 20 കാരൻ നികോ വില്യംസ് സ്പാനിഷ് ഗോൾ വേട്ട പൂർത്തിയാക്കി. മത്സരത്തിൽ ഇഞ്ച്വറി സമയത്ത് 92 മത്തെ മിനിറ്റിൽ ഹംസ അൽ ദർദോർ ജോർദാനു ആശ്വാസഗോൾ സമ്മാനിക്കുക. ലോകകപ്പിന് ഇറങ്ങുമ്പോൾ ഗോൾ നേടാൻ യുവതാരങ്ങളുടെ ബൂട്ടിൽ ആവും സ്‌പെയിൻ പ്രതീക്ഷ വക്കുക.